IN NOMINE DOMINI AMEN
NOS FRANCISCA COMITISSA
SLAVATIN NATA COMITISSA A MEKAV VIDVA, AN
DREAS SCHAMBOGEN SOCIETATIS IESV PER BOHEMIAM, MORAUIAM, AC SILE
siam Prouincialis, et Joannes Franciscus Wensky à Creutzpalm Decanus et Parochus Telczensis: Notum facimus tenore praesentium Vniuersis et singulis quorum interest, aut in futurum quomodolibet in
teresse poterit, Quod cum Ego Francisca omittissa Slauatin ad DEI Omnipotentis Vnicam gloriam, et propagationem Sanctae Romanae Catholicae Fidei, Animaeq(ue) meae Salutem Telczy Oppido in Dioecesi Olomucensi sito:
Admodum Reuerendis Patribus Societatis IESV, ex singulari erga eandem Societatem affectu et beneuolentia, Domum Probationis Tertianam de Clementissimi Reuerendissimi et Serenissimi Principis Domini, Domini Leo
poldi Gulielmi Archiducis Austriae, Episcopi Olomucensis, assensu et licentia, à fundamentis exstruxerim, ac fundauerim, ut dicta Societas IESV eo in loco iuxta laudabile eius institutum commodius uiuere, et supra
dicti Oppidi Incolis Vicinorumq(ue) locorum Populis in uera Religione Catholica et Christiana pietate informandis et confirmandis diligentem operam nauare, et opem suam impendere possit; Quauero ex defectu propriae Ecclesiae, inter me
Francisca(m) Comitissam Slauatin, Admodum Reuerendum Patrem Prouincialem, et modernum Admodum Reuerendum Dominum Decanum Telczensem, quatenus dicti Patres Societatis IESV ibidem nunc, et deinceps manentes
ac commorantes in Ecclesia Parochiali, Sua spiritualia exercitia absq(ue) impedimento habere ualeant, finaliter conuentum ac transactum est: Nimirum ut Patres Societatis IESV Ecclesia Parochiali Oppidi Telczensis, Dioecesis
Olomucensis liberè utantur, et fruantur, ad peragendas functiones suas Ordinarias, et ad omnia et singula Altaria pro sua commoditate Missas celebrent, citra tamen impedimentum functionum Parochialium, quas Admodum Reue
rendus Dominus Decanus loci illius Ordinarius, iuxta ius, suis temporibus obire solet et debet; Item ut diebus Dominicis ac festis aliisq(ue) quibus eis commodum ad Populum Conciones habeant, ac rudes et pueros doctrina Christia
na erudiant: Item ut ibidem Confessiones audiant, et populum Sacra Synaxi seu Communione quando et quoties uoluerint reficiant, aliisq(ue) functionibus suis citra ullum impedimentum uacent; ac defunctorum suorum Corpora iuxta morem
Societatis in ipsa Ecclesia Parochiali sepeliant: Item ut ad dictam Ecclesiam pro suis priuatis usibus propriam Sacristiam extruant, eo in loco quem ei Admodum Reuerendus Dominus Decanus iudicabit fore aptissimum, et ostia pro usus
suo, quae in illo loco hactenus collocata sunt, ad alium Sacrum locum transferri facient; Item ut ad maiorem Ecclesiae Parochialis nitorem et commodiorem Populi usum, Admodum Reuerendus Dominus Decanus eiusdem loci Altaria illa
ualde incommoda, et malè formata aliter accommodare, et ad decentem reuerentiamq(ue) decorum usum aptiora reddere uelit ac ualeat, eorum Sacris reliquiis pro maiorum decenter translatis et substitutis earum uice Portatilibus.
Quos antè scriptos tenores seu puncta Ego Decanus et Parochus Telczensis altius considerans, reperi non tantum Cultum Diuinum et Summam Pietatem augeri, sed etiam Ecclesiae Parochiali plurimum emolumenti, si praefatis Reuerendis
Patribus Societatis IESV modò uocatus et non aliter huiusmodi concedantur praerogatiuae, euenire: attamen exceptis his ne in perpetuum Societas IESV quidpiam Iuris uel in ipsam Ecclesiam, pro eius propriis, uel in functiones Parochia
les earumue emolumenta, qualia sunt Decimae, Census, fundationes, Pia legata, Offertoria, Accidentia ex Chrismatibus, Copulis, ac Sepulturis, aliaue Diuina Officia, omniq(ue) fructus, redditus, ac prouentiones praetendat; Sed haec omnia
et singula defacto relinquit, semperq(ue) relinquet liberrimè et absolutè dispositioni ac usui Decanorum et Parochorum moderni, futurorumq(ue) Successorum suorum; qui haec omnia et singula more et modo hactenus consueto et usitato absq(ue)
omni interturbatione qualicunq(ue) et cuiuscunq(ue) obtineant. Et Ego Andreas Schambogen Societatis IESV ut praefertur Prouincialis pro me et Successoribus meis ac totam Societatem Nostram in futurum adpromitto et polliceor, Quod
eis uniuersis ante scriptis articulis, punctis, Clausulis, et exceptionibus, Admodum Reuerendi Domini Decani et Parochi Telczensis stare, eos, et eas integrè inuiolabiliter obseruare, nec ulla ratione, uia, causa, forma, seu modo quomodo
libet contrauenire uelimus, debeamus, aut possimus in perpetuum. Quo propter cum haec ut praeferuntur omnia et singula à Nobis ad initium Nominatis, et interessatis contrahentibus, Contracta, conclusa, pacta, et acceptata sint,
Reuerendissimi et Serenissimi Principis Domini, Domini Leopoldi Gulielmi Archiducis Austriae, Episcopi Olomucensis, Domini Nostri Clementissimi: in Spiritualibus Generalem Vicarium ac Officialem Reuerendissimum et Illustrissimum
Dominum Dominum Claudium S. R. I. Liberum Baronem à Sorina, Cathedralis Ecclesiae Olomucensis Decanum et Seniorem Canonicum, necnon Sacrae Caesareae Majestatis Consiliarium, totumq(ue) Reuerendissimum Episcopale Consisto
rium ea, qua par est debita cum reuerentia rogamus et exoramus, dignentur hanc Nostram Conuentionem, Contractum, Conclusionem, pactum et acceptatum, pro tantum in omnibus et per omnia Authoritate Ordinaria rata, grata, ap
probata, roborata, ac Confirmata habere: sed etiam Nos in his contra quoscunq(ue) turbatores aut Contradictores defendere, tueri, et manutere. In quorum omnium et singulorum robur ac testimonium Nos praenominati, hoc Instru
mentum Publicum manibus Nostris propriis subscripsimus, atq(ue) Sigillis dependentibus firmus communiri. Acta sunt haec Telczy in praesentia Nobilis ac Generosi Domini Samuelis à Karlsberg Supremi Capitanei omnium
Bonorum Excellentissimae Dominae, Sacri Romani Imperij Comitum Slauata; Nobilis et Generosi Domini Simeonis Stromek Capitanei Telczensis; Clarissimi ac Doctissimi Domini Matthiae Ludouici Cictij Aulenchsis, Quatuoris
Testium ad hoc specialiter rogatorum, et requisitorum, qui suam manum et Sigilla sine suo tamen et suorum posterorum damno apponere uoluerunt. In Arce die Vltima Mensis Augusti Anni Millesimi Sexcentesimi Quinquagesimi Tertij.
IHS
IHS
Francisc(a) Comitissa Slauatin
mpria
Andreas Schambogen
Soc(ietatis) IESV per Boemiam
Praepositus Prouincialis
mpria
Joan(nes) Franc(iscus) Wensky à Creutz
palmen Decanus Telczensis
mpria
Samuel à Karlsberg
mpria
Simeon
mpria
Wla(dislaus) Stromek
mpria
Matthias Ludouicus Cictius
mpria