Ego Carolus Amadeus Comes ab Aichpühl
Dominus in Lessoni(z) Rattibori(z) Slavi(z) Sifenberg et Thallern. S. C. M.
Cameræ Aulicæ Consiliarius hisce fateor cum Reverendissimum Episcopale Consistorium Olomucense
meam Intentionem in fundando Parocho in Martinkau et Horka approbaverit, qvæ in Ter centum
florenis et Sex Vasis Cerevisiæ Cuilibet Parocho Annuè dandis consistit, vt præfatus Parochus melius
Subsistere possit, me in perpetuum promisisse annuè illi ad vehendas qvinqvaginta orgias Lignorum,
Sex Currus boni fœni, et qvatuor Capetias Straminis, pro qvibus hisce rebus tamen memoratus Parochus
obligatus erit hebdomadatim pro Anima defuncti Soceri mei Domini Caroli Ludovici de Gatterburg
S. C. M. qvondam Cameræ Aulicæ Consiliarij in Ecclesia Martinkoviensi, unam missam Celebrare.
Et cum etiam hanc fundationem meam perpetuæ hebdomadalis missæ Reverendissimum Episcopale Consistorium
Ratificasset, Ego pariter propter hæc supra posita promissa Dominium meum Lessonicense obligo, et tabulæ
Regiæ Marchionatûs Moraviæ D(omi)nos officiales, suum Pleno titulo, reqviro, hocce Instrumentum in mea
præsentia vel absentia intabulare velint, vt potè qvod Ego meâ Subscriptione et Sigillatione Corroboravi,
et infra scriptos Dominos testes (sine tamen eorum præjudicio) ad Subscribendum et Sigillandum reqvisivi.
Datum in Arce mea Lessonicensi die Vigesima qvinta Martij, Anni Millesimi Septingentesimi decimi qvarti.
Carolus Amadeus Comes ab Aichpühl
Carl G de Souches
Carl Rudolph Dubsky
Von Trebomisli(z)