GREGORIUS PP. XVI.
Universis Christifidelibus praesentes Litteras inspecturis Salutem et Ap(osto)licam Benedictionem. Ad augendam Fidelium religionem et ani=
marum salutem coelestibus Ecclesiae thesauris pia charitate intenti, omnibus utriusque sexus Christifidelibus vere poeniten(tibus) et confessis,
qui Ecclesiam Cathedralem Brunen(sem) in qua Communio generalis de licentia Ordinarii in uno anni die per eumdem Ordinarium spe=
cificando agetur, eodem die devote visitaverint, ibique S(anctissi)mum Eucharistiae Sacramentum sumpserint, ac pro Christianorum
Principum concordia, haeresum extirpatione, ac S(anctae) Matris Ecclesiae exaltatione pias ad Deum preces effuderint, Plenariam omnium
peccatorum suorum Indulgentiam et remissionem, quam etiam Animabus Christifidelium, quae Deo in charitate conjunctae ab
hac luce migraverint, per modum suffragii applicare possint, misericorditer in Domino concedimus. Praesentibus ad Septennium
tantum valituris. Volumus autem ut, si pro impetratione, praesentatione, admissione, seu publicatione praesentium aliquid vel mini=
mum detur, aut sponte oblatum recipiatur, praesentes nullae sint. Datum Romae apud S. Petrum sub Annulo Piscatoris
Die XXVIII. Januarii MDCCCXLII. Pontificatus Nostri Anno Undecimo.
A. Card. Lambruschini
Gratis pro Deo etiam Scriptura