Pius Episcopus, Servus Servorum Dei,
venerabili Fratri Joseph Kupka, hactenus Episcopo Titulari Adraheno, in Episcopum Brunensem electo, salutem et apostolicam benedictionem. Commis
sum humilitati Nostrae ab aeterno Pastorum Principe supremi apostolatus officium, quo universo christiano orbi praesidemus, onus Nobis imponit diligen
tissime curandi ut Ecclesiis omnibus tales constituantur Antistites, qui sibi creditum dominicum gregem salubriter pascere, regere et gubernare sciant ac valeant.
Cum itaque Cathedralis Ecclesia Brunensis, Metropolitanae Ecclesiae Olomucensi Suffraganea, per venerabilis Fratris Norberti Klein ad titularem Eccle
siam Episcopalem Syenitanam translationem suo sit in praesens Pastore destituta, Nos, de venerabilium Fratrum Nostrorum S. R. E. Cardinalium consilio ac de aposto
licae potestatis plenitudine, Te a vinculo Ecclesiae Adrahenae, cuius titulum hucusque gessisti, absolvimus et ad praefatam Ecclesiam Brunensem transferimus, eique in Epi
scopum praeficimus et Pastorem, necnon eiusdem Ecclesiae curam, regimen et administrationem Tibi in spiritualibus ac temporalibus plenarie committimus cum
omnibus iuribus et privilegiis, oneribus et obligationibus pastorali huic officio inhaerentibus. Volumus autem et mandamus ut, ceteris quoque impletis de iure servan
dis, antequam Dioecesis Tibi modo creditae canonicam possessionem capias, in manibus alicuius, quem malueris, catholici Antistitis, gratiam et communionem Se
dis Apostolicae habentis, fidei catholicae professionem emittere ac sueta iuramenta praestare, iuxta statutas formulas, harumque exemplaria, Tui dictique Antistitis
subscriptione ac sigillo munita, ad Cancellariam Apostolicam infra sex menses transmittere omnino tenearis. Ad hoc Antistiti a Te electo professionem ac iu
ramenta illa Nostro et Romanae Ecclesiae nomine recipiendi munus ac mandatum per praesentes committimus. Firmam autem spem fiduciamque
concipimus fore ut, dextera Domini Tibi assistente propitia, Ecclesia Brunensis per tuam pastoralem industriam et studium fructuosum regatur utiliter ac ma
iora in dies tum in spiritualibus tum in temporalibus suscipiat incrementa. Datum Romae apud S. Petrum, anno Domini millesimo nongentesimo tri
gesimo primo, die vigesima secunda mensis Octobris, Pontificatus Nostri anno decimo. = E. v. T. =
Fr. Andreas Card. Frühwirth
Cancellarius S. R. E.