Pius Episcopus Servus Servorum Dei dilectis filiis Capitulo Ecclesie Brunen(sis)
salutem et Apostolicam Benedictionem Hodie siquidem Ecclesie vestre Brunen(si) tunc per obitum bone memorie
Vincentii Josephi ex Principibus de Schrattenbach ultimi illius Episcopi extra Romanam Curiam defuncti pastoris
solatio destitute de persona dilecti filii Wenceslai Urbani de Stuffler electi Brunen(sis) Nobis et venerabilib(us)
Fratribus Nostris Sancte Romane Ecclesie Cardinalibus ob suorum exigentiam meritorum accepta
de fratrum eorundem consilio Apostolica Auctoritate providimus ipsumque illi in Episcopum prefecimus
et Pastorem curam regimen et administrationem ipsius Ecclesie Brunen(sis) sibi in spiritualibus et
temporalibus plenarie committendo prout in Nostris inde confectis Litteris plenius continetur Quo circa discretioni
vestre per Apostolica scripta mandamus quatenus eidem Wenceslao Urbano tamquam patri et pastori
animarum vestrarum humiliter intendentes ac exhibentes sibi obedientiam et reverentiam debitam et
devotam ejus salubria monita et mandata suscipiatis humiliter et efficaciter adimplere curetis
alioquin sententiam quam idem Wenceslaus Urbanus electus rite tulerit in rebelles ratam
habebimus et faciemus auctore Domino usque ad satisfactionem condignam inviolabiliter observari
Datum Rome apud Sanctam Mariam Majorem Anno Incarnationis dominice Millesimo Octingentesimo Decimoseptimo
Quinto Kalendas Augusti Pontificatus Nostri Anno Decimo Octavo
pro Resc(riptis) gratis de M(anda)to S(anctissi)mi
J. Machiaellus
N. Minou
N(umer)o 123. vidit