GREGORIUS PP. XVI.
Venerabilis Frater, salut(em) et Aplicam Bened(ictionem). Exponendum Nobis curasti, Te non ad Tui commodum solum, verum etiam ad majo-
rem pastoralis muneris dignitatem exoptare in sacro faciendo, aliisque Ecclesiae Caeremoniis obeundis pileolo uti. Hinc
supplicium preces a Nobis postulasti, eam ut veniam ex Nostra Indulgentia Tibi concedamus. Nos igitur peculia-
ri beneficentia Te prosequi volentes, et a quibusvis excom(munication)is, suspensionis, et interdicti, aliisque Eccl(esiast)icis censuris, sen-
tentiis, et poenis quovis modo, vel quavis de causa latis, si quas forte incurristi, hujus tantum rei gratia absolven(tes)
et absolutum fore censentes, Tibi, Auctoritate Nostra Apostolica concedimus, et indulgemus, ut posthac dum sacris
operaberis (non tamen a praefatione usque ad susceptum Corpus et Sanguinem Christi Domini) ac dum di-
vinis officiis, aliisque Eccl(esi)ae functionibus intereris, et sacris ritibus caput tuum pileolo tegere libere, et licite pos-
sis, et valeas. Non obstan(tibus) Const(itution)ibus, et Ordin(ation)ibus Aplicis ceterisque contrariis quibuscumque. Datum Romae
apud S. Mariam Majorem sub annulo Piscatoris die XV. Julii M D C C C X X X I X.
Pontificatus Nostri Anno Nono.