WENCESLAVS IOANNES DE KRIEGELSTEIN
I(uris) V(triusque) D(octor) IN CELEBERRIMA VNIVERSITATE CAROLO FERDINANDEA
Pragensi Pandectarum Professor Publicus, Regius, ac Ordinarius, Regij Fisci Adjunctus, Vene=
rabilis Archi-Episcopalis Consistorij Pragensis & in Regno Bohemiæ Advocatus Juratus, nec non Venerabilis
Capituli Metropolitani Pragensis ad D(ivum) Vitum Syndicus,
Salutem Lecturis â Domino.
Etsi Virtutis & eruditionis illa sit dignitas, ut nullum ad conciliandos bonorum animos ab humana commendatione reqvirat adjumentum, justis
tamen de causis aliorum fide testata fieri cupit. Cum itaq(ue) Dominus Josephus Ignatius Jonaček Moravus Kotogedensis Studij sui, qvod apud me peregit,
testes litteras decenti et legitimâ reqvisitione postulaverit, justissimæ ejus petitioni non potui non libenter suffragari. Proinde testor, & fidem facio,
prænominatum Dominum Josephum Ignatium Jonaček præter lectiones publicas in Auditorio Carolino per qvinqvennium sine interruptione diligentissimè
freqventatas, in collegijs meis privatis Institutiones Imperiales D(ivi) Justiniani bis, qvinqvaginta Pandectarum, & qvinq(ue) Libros Decretalium Gregorij IX bis, jus
item fevdale, et S(acri) Imperij Romano-Germanici publicum bis, conatu indefesso, & diligentissimâ qvotidianæ explicationis annotatione, atq(ue) adeò profectu eximio
per qvinq(ue) annorum curziculum absq(ue) ullius Collegij /: qvod profectò omni commendatione & encomio dignissimum :/ absolvisse, in disputationibus nervosè op=
pugnâsse, in consvetis examinibus non minùs præclarè respondisse, qvàm responsionibus suis commendabilem judicij maturitatem spirantibus animi ad
studia alacris laudabilissima specimina edidisse, tum meo integerrimo Solatio, tum insigni Dominorum Collegarum suorum exemplo ac incitamento. Ut
nullum supersit dubium, qvin virtute suâ & industriâ /: cui morum integritatem jugiter sociavit :/ præclarissimam juris Scientiam sibi comparaverit, qvam
non tantum in privatum sui honorem, sed & in publicum Reipublicæ commodum ac emolumentum sit impensurus. Dignum idcircò eum censeo, ut
ab omnibus, præsertim, qvorum gratiâ & favore eguerit, magnoperè commendatus haberi mereatur. In cujus fidem manu propriâ subscripsi & consvetum
Sigillum appressi. Pragæ, 2. Decembris 1701.