CLEMENS PP(A) XII.
AD FVTVRAM REI MEMORIAM. O(mn)ium saluti paternâ charitate intenti sacra interdum loca sp(iritua)libus indulgentiarum muneribus decoramus, ut
inde fidelium defunctorum animæ D(omi)ni n(ost)ri Iesu Xp(ist)i, eiusque s(an)ctorum suffragia meritorum consequi, et illis adiutæ ex purgatorij pœnis ad æternam sal(ute)m per Dei mise=
ricordiam perduci ualeant. Volen(tes) igitur Eccl(esi)am Collegiatam S(anctorum) Petri et Pauli ap(osto)lorum oppidi Brunæ Olomucen(sis) diœces(is) et in ea sit(um) altare Confr(aterni)tatis sub inuocatione S(ancti) Ioannis
Nepomuceni simili ad p(ræse)ns priuilegio minimè decoratum hoc spe(ci)ali dono illustrare, de Omnipotentis Dei misericordiâ, ac B(eatorum) B(eatorum) Petri et Pauli ap(osto)lorum eius auct(oritat)e confisi, ut quandocum=
que Sacerdos aliquis Sæcularis, uel R(e)g(u)l(ar)is missam defunctorum in die Com(m)em(orationis) defunctorum, et s(in)g(u)lis diebus intra illius Octauam, ac in unâ feriâ cuiusl(ibe)t hebdomadæ per Ordin(ari)um
designan(da) pro animâ cuiuscumque Confr(atr)is et Consororis d(ic)tæ Confr(aterni)tatis, quæ Deo in charitate coniuncta ab hac luce migrauerit ad p(rædic)tum altare celebrauit, anima ipsa de thesauro Ec=
cl(esi)æ per modum suffragij indulgentiam consequatur, itaut eiusdem D(omi)ni n(ost)ri Iesu Xp(ist)i ac B(eatæ) Mariæ Virginis, S(an)ctorumque o(mn)ium meritis sibi suffragan(tibus) a purgatorij pœnis liberetur
concedimus, et indulgemus. In Contrarium facien(tibus) non obstan(tibus) quibuscumque. P(ræse)ntibus ad Septennium t(antu)m ualituris. Dat(um) Romæ apud S(anctam) Mariam Maiorem sub annulo Piscatoris
die ix. Septembris MDCCXXX. Pontif(icatus) N(ost)ri Anno Primo.
Gratis pro Deo et S(an)c(t)a.
L(udovicus) Card(inalis) Oliverius