Nos Maria Theresia Dei Gratia Romanorum Imperatrix Vidua,
Regina Hungariæ, Bohemiæ, Dalmatiæ, Croatiæ, Slavoniæ, Galiciæ, Lodomeriæ &c. Archidux Austriæ, Dux Burgundiæ, Magna Princeps
Transylvaniæ, Dux Mediolani, Mantuæ, Parmæ &c. Comes Habsburgi, Flandriæ, Tyrolis &c. Lotharingiæ et Barri Dux, Magna Dux Hetruriæ &c. Præsentium tenore notum
facimus, Nos ob pietatis, doctrinæ, aliarumq(ue) virtutum commendationem Devoto Fideli Nobis Dilecto Francisco de Festenberg Canonicatum domicillarem Sextum in Ecclesia cathedrali S.S.
Apostolorum Petri et Pauli Jure Patronatûs Nobis, quà Regi Bohemiæ, et Marchioni Moraviæ competente clementissimè contulisse. Eapropter à Venerabili, Illustri, et Magnifico
Devoto Fideli Nobis Dilecto Mathia Francisco Comite Chorinsky Libero Barone de Ledske, Episcopo Brunnensi tanquam Loci Ordinario clementer postulamus, Devotionis verò
suæ in Spiritualibus Administratori, et iis, ad quos jus investiendi pertinet, mandamus: ut supra dictum Franciscum de Festenberg, vel ejus Procuratorem legitimum in
realem et actualem possessionem præfati Canonicatûs introducant, vel introduci faciant, dantes et assignantes ei Stationem consuetam in Choro, et Votum in Capitulo, cæ-
teraque omnia de Jure vel Consuetudine antiquitùs observari solita. In harum fidem præsentes Litteras manu Nostra propria subscripsimus, easque Sigilli Nostri Cæsareo-
Regii et Archiducalis appensione communiri jussimus. Quæ dabantur in Civitate Nostra Vienna die 13. Mensis Junii. Anno Domini millesimo septingentesimo septuage-
simo octavo. Regnorum Nostrorum trigesimo octavo.
Maria Theresia
m(anu) p(ropria)