Nos Maria Theresia Dei Gratia Romanorum Imperatrix Vidua,
Regina Hungariæ, Bohemiæ, Dalmatiæ, Croatiæ, Slavoniæ, Galiziæ, Lodomeriæ, Archidux Austriæ, Dux Burgundiæ, Magna-
Princeps Transylvaniæ, Dux Mediolani, Mantuæ, Parmæ, Comes Habsburgi, Flandriæ, Tyrolis, Lotharingiæ et Barri Dux, Magna Dux Hetruriæ (et)c(etera). Præsentium tenore
notum facimus, Nos ob pietatis, doctrinæ, aliarumque virtutum commendationem devoto fideli Nobis dilecto Francisco Antonio Comiti de Cobenzl Canonicatum super-
numerarium per gradualem progressum Canonici de Festenberg in Ecclesia cathedrali S(anctorum) S(anctorum) Apostolorum Petri et Pauli vacantem jure Patronatus Nobis qua Regi Bohemiæ
et Marchioni Moraviæ conferendum competenti clementissime contulisse. Eapropter a Venerabili Illustri et Magnifico, Devoto fideli Nobis dilecto Mathia Francisco Co-
mite Chorinsky, Libero Barone de Ledske Episcopo Brunnense tanquam loci Ordinario clementer postulamus, dilectionis vero Suæ in Spiritualibus Administratori, et iis, ad
quos jus investiendi pertinet, mandamus, ut supradictum Franciscum Antonium Comitem de Cobenzl, vel ejus procuratorem legitimum in realem et actualem
possessionem præfati Canonicatus introducant, vel introduci faciant, dantes et assignantes ei stationem consuetam in choro, et vocem in capitulo, cæteraque omnia
de jure, vel consuetudine antiquitus observari solita. In harum fidem præsentes litteras manu Nostra subscripsimus, sigillique Nostri Cæsareo-Regii et Archiducalis
appensione communiri jussimus, quæ dabantur in civitate Nostra Viennæ die 5ta Mensis Februarii Anno Domini millesimo septingentesimo octuagesimo Regnorum
Nostrorum quadragesimo.
Maria Theresia