Augustus Franciscus S(acri) R(omani) I(mperii) Comes de Lobkowitz, Dux Sagani, Princeps in Raudnitz, Dominus in Neostadio, Bilina, Chlumetz, Vysoky Chlumetz, Jistebnitz, Rozdialowitz, et aliis, S(acrae) C(aesareae) R(egiae) M(ajestatis) Consiliarius Intimus, et Camerarius, nec non Aurei Velleris Eques.
Reverendo in Christo Patri, Domino Joanni Baptistae Lachenbauer, Presbytero Saeculari, Theologiae Doctori, et in Universitate Pragensi Professori, Salutem in Domino.
Cum Parochia in Oppido nostro Vysoky Chlumetz, per obitum bonae memoriae Mathiae Francisci Horzinsky, ultimi ibidem Parochi, vacare coeperit, Nosque ad eandem Parochiam, Jure Patronatus, quod Nobis in eadem competit, providere volentes, Te, de cujus vita, moribus, et doctrina, ex fide dignis testimoniis, plenam habemus fiduciam, ad dictam Parochiam, cum omnibus ejusdem juribus, et pertinentiis, praesentamus, et nominamus, prout per praesentes praesentamus, et nominamus.
Rogantes proinde, et requirentes, quatenus Te ad dictam Parochiam, per eos, ad quos spectat, admitti, et institui, ac in realem, et actualem possessionem ejusdem, cum omnibus juribus, et pertinentiis, induci, et immitti cures, et facias.
In cujus rei fidem, has praesentes litteras, manu nostra subscriptas, et sigillo nostro muniri fecimus.
Datum in Castro nostro Raudnitz, die vigesima nona mensis Januarii, Anno Domini Millesimo Septingentesimo Octogesimo Septimo.
Augustus Franciscus Princeps de Lobkowitz m(anu) p(ropria)
L(ocus) S(igilli)