Leo Episcopus Servus Servorum Dei dilectis filiis Capitulo Cathedralis Ecclesiae Brunen(sis), salutem et Ap(ostoli)cam benedictionem. Hodie Nos Ecclesiae Vestrae Brunen(si) certo tunc expresso modo pastoris solatio destitutae de persona dilecti filii Francisci Bauer Electi Episcopi Brunen(sis) Nobis et Venerabilibus Fratribus Nostris S. R. E. Cardinalibus ob suorum exigentiam meritorum accepta, fratrum eorumdem consilio Ap(ostoli)ca auctoritate providimus, ipsumque illi in Episcopum praefecimus et pastorem, curam, regimen et administrationem istius Ecclesiae eidem in spiritualibus et temporalibus plenarie committendo, prout in Nostris inde confectis Litteris plenius continetur. Quocirca discretioni Vestrae per Ap(ostoli)ca scripta mandamus quatenus dicto Francisco Electo tamquam patri et pastori animarum Vestrarum humiliter intendentes, eique obedientiam et reverentiam debitas et devotas exhibentes, illius salubria monita et mandata humiliter suscipiatis eaque efficaciter adimplere curetis, alioquin sententiam quam idem Franciscus Electus rite tulerit in rebelles ratam habebimus, et faciemus, auctore Domino, usque ad satisfactionem condignam inviolabiliter observari. Datum Romae apud S. Petrum Anno Incarnationis Dominicae millesimo octingentesimo octogesimo secundo Quinto nonas Julii Pontificatus Nostri Anno Quinto. M
Pro D(omi)no Card(inali) Cons(alvi) a libellis D(omi)nus L. Ferrata Sub(stitut)us
L. C. A.
H. Sartori Cont(rascriptor)
Thomas Rossi Abb(as)
pro Cap(itu)lo S(ancti)mo
J. Sarti Abb(as)
B. M. Cons(alvi)
C. P. M. de L.
C. Cesta Sub(stitut)us