In dem Namen der Allerheyligisten
vnd Vnbertheilten Dreyfaltigkeit Gottes Vatters,
Sohns vnd Heyligen Geistes Amen.
JCh Johan von Dennee
der Zeit Burggraff auf Nicolsburg, habe billich bedacht
zu Hertzen vnd gemueth gefühet, daß elende, zerganglichs vnd Vnbeständig leben in dis
ser Welt, daß nemblich alhier Khein bleibende statt, sondern alle Menschen dem zeitlich
en Todt vnderworffen: ia zum sterben geborn, Dieweil aber die Zeit vnd
stundt vngewiß, Wann, Wie, oder wo es beschehen sole, alß hab ich demnach auß freyen
guetem willen, mit wolbedachtem Mueth, gantz vngezwungen, auß aigner beweg
nuß, Gottlob, bey guetter Vernunfft, Züuerhüetung Khünfftiger Jrrungen, Widerwil
len vnd Zwietracht, so sich etwann nach meinem absterben meines Zeitlichen Guetts
halber, welches in nechst Gottlichen Segen neben meiner lieben Haußfrauen Salo
me zusambengebracht, begeben mochten, Hiemit mein Testament, Ordnung, vnd
endtlichen willen aufgericht, gemacht, vnd beschlossen, wie Volgt.
Erstlich, Vnd zuuorderist, Wann Jch vberlang oder Khürtze Zeit nach dem willen
Gottes deß Allmechtigen Todtes verbleiben, vnd die allgemaine Schuldt der Menschlich
en Natur bezahlet habe, So befehle Jch mein arme sündige Seel in sein göttliche
gnad vnd gründtloße Barmhertzigkeit, mit Hertzlichen Seufftzen, vnd bitten, dieselben vmb
dz theüre Verdienst seines ainigen liebsten Sohns, meines Erlösers vnd Seeligmachers
JESV Christi willen, gnedig vnd Barmhertzig züsein, mir meine begangne Sündt
Vätterlich züuerzeihen, vnd mich mit den frewden der ewigen Saligkeit zübegaben,
Ist auch mein willen vnd begehrn, daß mein Todter Leichnamb in die Probstey vnd Kirchen St. Wenceslai
alhier zue Nicolsburg Conducirt, vnd in mein daselbsten erbaute Grufft, altem Catholischen brauch vnd
Khirchen ordnung nach, ehrlich vnd zimblich: doch ohne sonderlichen Pracht zur Erden bestattet werde.
Ferners, Ob wol der Güttige Barmhertzige Gott verlichen, daß meine Khinder allesambt nunmehr
Jhre Landtsbreüchige Vogtbahre Jahr beraits erraicht, Vnd dahero vnnoth Vormünder denselben züuer