Wir Maximilian von Gottes gnaden deß Heiligen Rö
mischen Reichs Fürst von Dietrichstain zue Nicollspurg Erblesenck in Cärndten Ritter deß guldenen Vließes Röm:
Kay(serlicher) May(estät) Rath (etc.) Für vnß vnndt vnsere Nachkommen, erlauben hiemit dem Hoch Ehrwürdigen Capitl vnserer Collegiat kirchen allhier, daß vnser
ieziger vnndt künfftige Probste, sambt denen iezigen vnndt künfftigen Canonicis für ihre aigene Person, Wein, so auser dem Nicollspurgischen Wein
gebürge wachsen, Wie künfftugiger auß frembden orten zue ihrem Haußnottürfftigen trunck in die hiesige Stadt, vnndt in ihre aigene Keller
füehren mögen, Jedoch aber iedesmahl den Wein, wan er an das Stadtthor bracht worden, wie es zue Brünn mit denen H(er)rn Capitularibus
vnndt Canonicis daselbsten gehalten wirdt, dem Burgemaister, oder deme, der seine stelle haltet, anzaigen, Vber ihre obgedachte notturfft
aber, kein frembde vnndt auser ietztgedachten Nicollspurgischen stadt gebürge, gesegnete Wein an die stadt bringen sollen;
Waß aber gedachten Probsten Weine so er in denen züer hiesigen Probstey gestiffteten freylichen Weingarten Jährlich bauet, anreichet, So soll dem
selben gleichfalls vnuerwehret sein, daß er solchen fundationis Wein nach gelegenheit gefährlicher zeit sicherheit halber, züeruerwahrung in besagte stadt
füehre, daneben aber einen weeg alß den andern die obgesetzte erlaubnüß würcklich geniesse. Jedoch soll solche vnsere erlaubnüß dahin nicht verstanden
werden, daß dieselbe der stadt privilegien vnndt gerechtigkaiten, so wegen einfuehr vnndt außschenckung des Weins bißher vnuerruckt gehalten worden,
schädlich sey; Zue vrkundt dessen haben wier vnß mit aigner handt vnterschrieben vnndt vnser fürstl(iches) Insigl hierunter zuehangen
anbefohlen; Geben auf vnser fürstl(ichen) Burg Nicollspurg den Zwanzigisten Monats tag Augustj deß Ain tausendt Sechs Hundert Vier
Maximilian fürst
von Dietrichstain
vnndt Vierzigisten Jahrs