CAROLUS DEI GRATIA EPISCOPUS OLOMUCENSIS DUX SAC(RI) ROM(ANI) IMPERII
PRINCEPS, REGIAE CAPELLAE BOHEMIAE ET DE LICHTENSTEIN COMES.
Omnibus quorum interest, Salutem in Domino Sempiternam.
Qvandogvidem per obitum R(everen)d(issim)i D(omi)ni Ignatii Wohlhaubter, Praepositura Collegiatae Ecclesiae Sancti Wenceslai Nicolspurgi in Dioecesi nostra Olomucensi vacare contigerit, et actu ad
huc vacet, cujus praesentatio ad Suam Dilectionem Titul(arem) Dominum Ferdinandum Sac(ri) Rom(ani) Imperii Principem de Dittrichstain in Nicolspurg, Dominum liberi Imperialis Dominii
& Munitionis Trasp, Haereditarium Pincernam in Carniolia, Supremum venationum Praefectum in Styria, Eqvitem aurei Velleris, Sacrae Caesareae Mattis(tatis) actualem Intimum Con
siliarium, et Supremum Praefectum, ex fundatione spectare dignoscitur, Ipsiq(ue) Nobis tanqvam loci Ordinario ad commemoratam Praeposituram, ut praefertur, vacantem, R(everen)d(issim)um
Fidelem Nobis dilectum, Nostrum Consiliarium, et Consistorii nostri Assessorem, Petrum Roharmondt, J(uris) U(triusque) Doctorem, Prothonotarium Apostolicum, Canonicum ad S(anctum) Petrum,
et Paulum Brunae, Decanum Ruralem, & ad Beatam Virginem Olomucii Parochum, canonicè praesentaverit, ac praeterea à Nobis efflagitaverit, quatenus Ipsi Confirmationem,
et Investituram nostram suprà praefatae Praepositurae Sancti Wenceslai Nicolspurgi, benignè impertiri dignaremur. Nos itaq(ue) praedicti Petri Roharmondt, vitae, morum
et doctrinae intuitu, praecibus Ejusdem benevolè annuentes, praedictam Praeposituram vacantem, ad praesentationem Suae dilectionis, Eidem conferendam decrevimus, pro
ut etiam defacto benignè conferimus, servatis tamen servandis, et praestitis praestandis, Eundem in Praepositum Nicolspurgensem, tanqvam canonicè praesentatum, recipimus,
receptumq(ue) super Eadem Praepositura tenore praesentium, authoritate nostrâ ordinariâ, in DEI Optimi Maximi Nomine instituimus, investimus, et confirmamus, mandantes proin
de R(everen)do Joanni Christophoro Girskendorffer Collegiatae Ecclesiae SS(anctorum) Petri, et Pauli Brunae Decano, quatenùs praefatum Petrum Roharmondt, seu Ipsius legitimum Procuratorem,
Ejus nomine in realem, corporalem, et actualem possessionem saepè praedictae Praepositurae, Ejusdemq(ue) Jurium, et proventuum, more consueto inducat, inductumq(ue) authoritate nostrâ defendat.
In quorum fidem hasce manu nostrâ propriâ subscripsimus, sigilloq(ue) nostro muniri jussimus. Datae in Civitate nostra Residentiali Cremsirii die 30ma Septembris A(nn)o 1694.
Carolus
Ep(iscopus)