NOs Benedictus Andreas Bönisch, Sac(ri) Canonici & Exempti Ordinis Præmonstratensis
Prælatus, Regiæ Ecclesiæ Gradicensis in Marchionatu Moraviæ ad Olomucium Abbas, Eccl(esi)æ
S(ancti) Michaëlis de Csorna, in Regno Hungariæ Pater Abbas perpetuus, Sac(ræ) Cæs(areæ) Reg(iæ) Majest(atis) Consiliar(ius)
Sacro-Sanctæ Theologiæ Doctor, &c: P(ater) Siardus Richter Prior, P(ater) Martinus Czeck Supprior, Nec non totum Capi=
tulum Gradicense, Omnibus et Singulis, quorum interest, aut interesse potest, tenore præsentium constare volumus, quòd
memores Apostolici moniti, Communionis ne obliviscamur, erga eas potissimum Personas, quæ Monasterio Nostro Sincerum Semper affectum,
ac benevolentiam impendunt. Talem agnoscendo Reverend(issi)mum, Perill(ustr)em, Ampl(issi)mum, ac Eximium D(omi)num D(ominum) Jacobum Franciscum Comitem de
Tilschern, Sacro-Sanctæ Theologiæ Doctorem, Proto-Notarium Apostolicum, Insignis Ecclesiæ Collegiatæ ad Sanct(um)
Wenceslaum Nicolspurgi Præpositum Infulatum Dominum in Fritz, nec non Decanum Foraneum &c: &c: Mutuæ Communionis Participem facere, Ejusdemq(ue)
erga Sacrum Ordinem ac Monasterium Nostrum Semper benevolum affectum, affectu reciproco prosequi cupientes; In Nomine SS(anct)æ Triados, Beatissimæ
Virginis Mariæ absque labe Conceptæ, Sacri Ordinis Nostræ Dominæ ac Patronæ, Sanctorumq(ue) Patrum Nostrorum Augustini & Norberti, nec non Ecclesiæ
Nostræ Patroni Sancti Proto-Martyris Stephani, honorem, ex potestate, Secundum Constitutionem Capituli Provincialis Anno 1691 in Monasterio
Nostro Gradicensi Mense Septembri Celebrati, atque Authoritate Ipsius Reverendissimi, et Illustrissimi Domini Præmonstratensis Totius Ordinis
Nostri Capitis & Generalis legitime Confirmati, nobis competente, præfatum Reverendissimum Perillustrem Ampl(issi)mum ac Eximium Dominum Jacobum
Franciscum de Tilschern, peculiarem Ordinis & Monasterij Nostri Amicum & Fautorem, prouti expresse à nobis desideravit, tenore præsentiu(m)
in Confratrem Candidissimæ Norbertinæ Confraternitatis Monasterij Nostri Suscipimus, et adoptamus, ac præsentibus susceptum, et adoptatum declaramus,
facientes Eum participem in vita, in et post mortem omnium Suffragiorum, Orationum, et quorumcunq(ue) alioru(m) Spiritualium Exercitiorum Nostrorum. Animam
quoque Ipsius, cum illam ex præsenti Sæculo migrare contigerit, non modò consvetis Suffragijs, tanquam expresse Monasterij Nostri Professus fuisset, prosecuturi Sumus,
sed eandem etiam pro Charitatis officijs eidem communicandis, alijs Circariæ nostræ Bohemiæ, reliquarumq(ue) annexaru(m) Provinciarum Cæsarearum Calesijs commendaturi
Sumus. Quod Communionis & Confraternitatis munus quemadmodum Reverendissimo Domino Novo Confratri gratum fore confidimus, ita Eundem in quibusvis
occurrentibus occasionibus erga nos gratum, et benevolum futurum non ambigimus. Dabamus in Monasterio Nostro Gradicensi, Die SS(anctorum) Patronis ac Ap(osto)lis
Moraviæ Cyrillo & Methodio Sacrâ Anno 1715.
Benedictus Bönisch
Abbas Gradicensis
P(ater) Siardus Richter Prior
P(ater) Martinus Czeck Supprior
P(ater) Dionysius Kraus Senior Conve(n)t(us)
P(ater) Chrysostomus Wolf Theol(ogiæ) Prof(essor)
P(ater) Sigismundus Lastowiczkij Provisor
P(ater) Ignatij Richter D(octor) Dom(us)
P(ater) Jacobus Birgl Circator & Totus Conventus