In nomine domini Amen Anno a Nativitate eiusdem Millesimo Quingentesimo Tredecimo
Indictione prima die vero Vicesimasexta Mensis Novembris pontificatus Sanctissimi in Christo patris et domini nostri
domini Leonis divina providentia pape decimi Anno eius primo In mei Notarii publici testiumque infrascriptorum
Ad hoc specialiter vocatorum et rogatorum presentia personaliter constitutus honorabilis dominus Gregorius de villa Slaar
presbiter Olomucensis diocesis Exposuit asseruit et dixit Qualiter sibi per providos et Circumspectos viros et dominos
Magistrum et Consules Civitatis Znoymensis de Altari Castissime virginis Marie Nativitatis in parrochiali
Ecclesia Sancti Michahelis Archangeli intra muros eiusdem civitatis Znoymensis situato Cuius quidem ad eosdem Magistrum
Civium et Consules Iuspatronatus sive Collatura spectare per liberam liberam resignacionem honorabilis domini
Johannis presbiteri patrui sui dicti eiusdem Altaris ultimi et Immediati Rectoris favorose fuisset provisum
Idcirco dictus dominus Gregorius omnibus melioribus modo via forma Iure et causa quibus id melius et effi
catius fieri potuit In manibus mei Notarii publici Infrascripti vice omnium et singulorum quorum
Interest seu interesse quolibet infuturum poterit stipulantis et recipientis in vim pacti Iuramenti
promisit velle nunc et in antea apud dictum Altare suam personaliter residere Iuribusque iuxta
consuetudinem hactenus observatam ad reverentiam sanctorum et eciam pro animabus fundatorum eiusdem Altaris
debitum altissimo impendere famulatum Aliamque omnia et singula facere exequi et adimplere
que occasione dicti Altaris de Iure et laudabili Consuetudine facere exequi et adimplere teneatur
Iuxta dicti sui promissi ullo unquam tempore quovis quesito colore sine Ingenio revocare dolo
vel malicia dolo et fraude penitus semotis Super quibus omnibus et singulis Ego Notarius publicus
Infrascriptus fui requisitus quatenus unum vel plura et tot quot fuerint necessaria et opportuna
Conficerem Instrumentum et Instrumenta Acta sunt hec in Domo Dotis Ecclesie parrochialis in Znoyma prefate Olomucensis
diocesis Anno Indictione die Mense pontificatu et loco quibus supra Presentibus ibidem honorabilibus dominis
Johanne Baptista et Volffgango Neidhartt presbiteris pragensi et Olomucensi diocesium testibus fidedignis ad
premissa specialiter vocatis atque Rogatis
Et Ego Adamus de Maderitz plebanus Ecclesie parrochialis Sancti Michahelis ibidem in Znoyma
dicte Olomucensis diocesis publicus Apostolica et Imperiali Auctoritate Notarius Quia huiusmodi
dictis stipulationi recepcioni promissioni ac voluntati Omnibusque aliis et singulis
dum sic ut premittitur fierent et agerentur unacum prenominatis testibus presens interfui
Eaque sic fieri vidi et audivi Ideo hoc presens publicum Instrumentum manu mea
propria scriptum Exinde confeci publicavi et in hanc publicam formam redegi
Signoque et nomine meis solitis et consuetis consignavi et Subscripsi In fidem et
testimonium omnium et singulorum premissorum requisitus atque rogatus