In nomine domini Amen Anno A Nativitate eiusdem Millesimo Quingentesimo decimoquinto
Indictione Tercia die vero ultima Mensis Septembris pontificatus Sanctissimi in Christo patris et domini nostri domini
Leonis divina providentia pape decimi Anno eius tercio In mei Notarii publici testiumque infrascriptorum ad hoc
specialiter vocatorum et rogatorum presentia personaliter constitutus honorabilis vir dominus Johannes Bampell presbiter Olomu
censis diocesis exposuit asseruit et dixit Qualiter sibi per providos et Circumspectos viros et dominos Magistrum Civium et totam
Consulatum Civitatis Znoymensis de Altari cum preterio Apostolorum in Ecclesia parochiali Sancti Michaelis Archangeli intra
muros ibidem in Znoyma situata dicto Altari deorsum ad eorundem Magistri Civium et Consulum dispositionem seu Collacionem
Spectanti per obitum pie memorie domini Thome precessoris dictique Znoymensis ecclesie Altaris domini vicarii ultimi et
Immediati preteriti honorose fuisset provisum Idcirco dictus dominus Johannes Bampell Omnibus melioribus via modo
causa et forma quibus id melius et efficacius fieri potuit In manibus mei Notarii publici infrascripti vice
omnium et singulorum quorum interest seu interesse quolibet in futurum solenniter stipulantis et recipientis in vim prestiti
Juramenti promisit velle unacum et in unacum apud dictum suum Altare personaliter residere omnibusque iuxta consuetudinem
hactenus observatam ad ipsius ecclesie pastori et chorum primarie Ecclesie eiusdem Altaris debite obsequium impendere
famulari Altarique omnia et singula servicia exequi et adimplere que occasione dicti Altaris de Jure et laudabili
consuetudine fieri exequi et adimpleri tenentur Super quibus omnibus et singulis ego Notarius publicus Infra
scriptus fui requisitus quatenus exinde unum aut plura publicum seu publica conficere Instrumentum et Instrumenta
Acta sunt hec Znoyme in domo plebani S. Michaelis sub Anno Indictione die Mense et pontificatu quibus
supra presentibus ibidem honorabilibus dominis Valentino de polna et Wolffgango melhiedtt presbiteris pragensis et olomucensis diocesis
testibus fidedignis ad premissa specialiter vocatis atque rogatis
Et Ego Adamus de Hradicz Clericus Sancti Michaelis in Znoyma Olomucensis diocesis
publicus Apostolica et Imperiali auctoritate Notarius Quia supradictis Stipulacioni
recepcioni promissioni ac voluntati Omnibusque aliis et singulis premissis dum sic
ut premittitur fierent et agerentur unacum prenominatis testibus presens interfui Eaque
omnia et singula sic fieri vidi et audivi ac in notam sumpsi Ideo hoc presens
publicum Instrumentum manu mea propria fideliter conscriptum exinde confeci publicavi
Et in hanc publicam formam redegi Signoque et nomine meis solitis et consuetis
consignavi et subscripsi In fidem et testimonium omnium et singulorum premissorum rogatus
atque requisitus