In Nomine domini Amen Anno a Natiuitate eiusdem Millesimo Quingentesimo
decimoquinto Jndic(ti)one tercia die vero quarta mensis decembris pontificatus Sanctissimi in Christo patris
et domini nostri domini Leonis diuina prouidencia pape decimi Anno eius tercio In mei Notarij publici tes
tiumque Infrascriptorum ad hoc specialiter vocatorum et rogatorum presencia personaliter constitutus honorabilis vir
dominus Johannes Kastner presbiter patauiensis diocesis exposuit asseruit et dixit, Qualiter sibi per prouidos et
Circumspectos viros et dominos Magistrum Ciuium et totum Consulatum Ciuitatis Znoym(ensis) de Altare Corporis
Christi in Ecclesia parochiali Sancti Nicolai intra muros ibidem in Znoym situatum dicte Olomucensis
diocesis, ad eorundem Magistrum Ciuium et Consulatum disposicionem siue Collacionem spectans per obitum pie me
morie domini Magistri Johannis eiusdem Altaris dum viueret vltimi et Immediati Rectoris, fauorose
procisum exystat, Jdcirco dictus dominus Johannes Kastner Omnibus melioribus via modo Jure forma et stilo
quibus ad melius et efficacius fieri potuit In manibus mei Notarij publici Infrascripti
vice omnium et singulorum quorum interest seu intererit quouismodo in futurum solenniter stipulatus et
Astrictus in vim prestiti Juramenti promisit velle nunc et in antea apud dictum suum Altare
personaliter residere Jnibique iuxta consuetudinem hactenus obseruatam, ad quocienciam presbiterorum
et statum primarie fundacionis eiusdem Altaris, debitum altissimo impendere famulatum Aliaque omnia
et singula facere exequi et adimplere, que occasione dicti Altaris de Jure et laudabili con
suetudine facere exequi et adimplere teneatur, Super quibus omnibus et singulis ego Notarius
publicus Infrascriptus fui requisitus quatenus exinde vnum aut plura, publicum seu publica conficerem
Instrumentum et Instrumenta Acta sunt hec Znoym(e) in domo plebani Sancti Michahelis Sub Anno In
diccione die mense et pontificatu, quibus supra, presentibus ibidem honorabilibus viris et dominis, Caspar
de Bruna, et Sigismundo de Znoym, presbiteris clericis dicte diocesis, Testibus fidedignis ad premissa specialiter
vocatis atque Rogatis;
Et Ego Adam de kgedieycz Ecclesie Sancti Michahelis in Znoym plebanus
Olomucensis diocesis, publicus Apostolica et Imperiali auctoritate Notarius, Quia
supradictis Stipulacioni, recepcioni, promissioni, ac voluntati, Omnibusque alijs
et singulis premissis, dum sic ut premittitur fierent et agerentur
Vnacum prenominatis testibus presens interfui, Eaque omnia et singula sic
fieri vidi et audiui, ac in notam sumpsi, Jdeo hoc presens publicum
Instrumentum manu mea propria fideliter conscriptum exinde confeci, publicaui, et
in hanc publicam formam redegi, Signoque et nomine meis solitis et
consuetis consignaui et subscripsi, In fidem et testimonium omnium et singulorum
premissorum rogatus atque requisitus;