In nomine sancte et indiuidue trinitatis amen. Quoniam eorum que gerunt(ur) in t(em)p(or)e obliuio solet memoriam resecare, necesse est ea tam
testium quam scripture munimine p(er)hennari. Nos igitur Bvdowoy de krvmbenowe notum facimus et constare uolumus presentium inspectoribus
vniuersis, q(uo)d de consensu et expressa voluntate vxoris nostre P(er)hte, liberor(um)q(ue) nostror(um) cenobio in hohenwrt ordinis Cist(erciensis), q(uo)d diuina inspirante gratia
ad honorem sancte perpetueq(ue) virginis dei genitricis Marie, ob remedi(um) anime sue woko patruelis noster, Marsalcus videl(icet) Boemie, de nouo fundare
et construere in co(mm)uni nostra possessione inchoauit, eam partem silue que nos iure hereditario contingebat, ut ipsius boni propositi et remunerationis
diuine participes simus et nominis fundatoris, per manu(m) d(omi)ni Joh(ann)is venerabilis ep(iscop)i Pragen(sis), in dedicatione eiusdem eccl(esi)e, dedimus in perpetuu(m) pleno iure
exceptione qualibet p(re)termissa, metas eiusdem p(re)dicto cenobio legitimas distinguentes. Hee autem sunt mete. Zojentus ex altera parte wlto in occidentali
parte attingens uiam illam que ducit in helfenberch. in orientali parte t(ra)nsiens riuum quenda(m) qui uocat(ur) minor wltawiz, et pratu(m) zbyadel inclusiue ita q(uo)d idem
pratum ad cenobium integ(ra)liter p(er)tineat. et meta i(n) riuulo Mokri nomine t(er)minet(ur). et incipiens a flumine wlta dirigitur ascendendo usq(ue) ad ortum riuuli iam
predicti et inde p(er) monte(m) Hradisch i(n) minorem wltawiz reuertit(ur) ex directo et ascendit in illo riuo usq(ue) ad altitudine(m) silue Boemia(m) (et) Bawaria(m) diuidentem.
Vt aute(m) predicta robur habeant firmitatis, presentem pagina(m) scribi fecim(us) (et) sigilli n(ost)ri munimine roborari. Testes autem qui aderant sunt: D(omi)n(u)s
Joh(anne)s prenotat(us) ven(er)abilis Ep(iscopu)s pragen(sis) eccl(esi)e. D(omi)n(u)s henric(us) (et) wernhard(us) fr(atr)es de Schowenberch. Wernhard(us) (et) henric(us) eiusdem tituli fr(atr)es minores. D(omi)n(u)s
Gerbert(us). d(omi)n(u)s Lvpold(us). Habelo. Andreas. p(re)htla. Chunrad(us) de Tvrtelinge. Benada. Bensiug. Bvdilaus purchraui(us) de Rosenberch, et alij q(ua)m plures.
Datum (et) act(um) in hohenwrt, Anno d(omi)ni .M(illesimo). cc(entesimo). lviiij. kal(endas) junij. Jndictione .xv.