1300_XII_25
CZ-KAVB > VYBRO > 1300_XII_25
highMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
In dem nomen d(er) heligen driualtichait am(en) Swaz man ewich wil machen
durch d(er) zeitt vnstet vnd d(er) leut absto(e)runge mues man den di noh vns chunftich sint
di warhait also vurgebn mit d(er) shrift daz dehain vngellicht od(er) vnreht muge gechazen
d(er) rehtichait Dar vmbe ich d(er) gehaizen pin Zmiel von dem Gretzen tuen allen den chunt
di nu sint od(er) chunftich sint daz ich vm mein durft v(er)chauft hon mein dorf gerleichen
daz da haizet ind(er) Strowinutz vm zwai hund(er)t phunt wienn(er) phenige dem erw(ir)d(i)g(e)n abbt
vnd sein samnuge des chlost(er)s datz dem Hohenfurt vur rehtez aigen ewichleichen zebe
sitzen mit allem nutz iz sei ach(er) wis wald holtz wazz(er) mul vischrei od(er) geiait vnd swi iz
gehaizen mach des dasselb aigen reht hot also daz ich mir vnd meinen chinden dehain
reht yns behalten Dar vber hon ich gelobt ob andeselben aigen dehain chrieg w(er) od(er) wurd(e)
den shol ich in ledign on ir shaden vnd mo(e)ht ich des nicht getuen so shuln si habn ze wid(er)
wer mein dorf datz reihnaw zereht(e)m aigen als ich in daz vor genant dorf Ind(er) strobinutz
v(er)chauft het vnd swaz rehtes andeselben dorf ist v(er)shriben daz shol d(er) vorgenant abbt
vnd sein samenuge an Reihenawe reht habn Vnd swaz daz aigen teurr ist den zway
hund(er)t phunt daz wil ich sein mein selgeret hintz dem Hohenfurt Vb(er) denselben chauf daz
d(er) stet sei gib ich in disen brief zv ain(er) hanfest v(er)insiglten mit meins vet(er)n insigl h(er)n hainreihs
von Rosenb(er)ch vnd mit meim insigl vnd mit meins brud(er) insigl h(er)n witign Ditz ist
geshen du ergangen warn von christes geburte Tausent iar vnd Drev hund(er)t iar
inden veirtagen zeweinahten
durch d(er) zeitt vnstet vnd d(er) leut absto(e)runge mues man den di noh vns chunftich sint
di warhait also vurgebn mit d(er) shrift daz dehain vngellicht od(er) vnreht muge gechazen
d(er) rehtichait Dar vmbe ich d(er) gehaizen pin Zmiel von dem Gretzen tuen allen den chunt
di nu sint od(er) chunftich sint daz ich vm mein durft v(er)chauft hon mein dorf gerleichen
daz da haizet ind(er) Strowinutz vm zwai hund(er)t phunt wienn(er) phenige dem erw(ir)d(i)g(e)n abbt
vnd sein samnuge des chlost(er)s datz dem Hohenfurt vur rehtez aigen ewichleichen zebe
sitzen mit allem nutz iz sei ach(er) wis wald holtz wazz(er) mul vischrei od(er) geiait vnd swi iz
gehaizen mach des dasselb aigen reht hot also daz ich mir vnd meinen chinden dehain
reht yns behalten Dar vber hon ich gelobt ob andeselben aigen dehain chrieg w(er) od(er) wurd(e)
den shol ich in ledign on ir shaden vnd mo(e)ht ich des nicht getuen so shuln si habn ze wid(er)
wer mein dorf datz reihnaw zereht(e)m aigen als ich in daz vor genant dorf Ind(er) strobinutz
v(er)chauft het vnd swaz rehtes andeselben dorf ist v(er)shriben daz shol d(er) vorgenant abbt
vnd sein samenuge an Reihenawe reht habn Vnd swaz daz aigen teurr ist den zway
hund(er)t phunt daz wil ich sein mein selgeret hintz dem Hohenfurt Vb(er) denselben chauf daz
d(er) stet sei gib ich in disen brief zv ain(er) hanfest v(er)insiglten mit meins vet(er)n insigl h(er)n hainreihs
von Rosenb(er)ch vnd mit meim insigl vnd mit meins brud(er) insigl h(er)n witign Ditz ist
geshen du ergangen warn von christes geburte Tausent iar vnd Drev hund(er)t iar
inden veirtagen zeweinahten