1348_VI_05
CZ-KAVB > VYBRO > 1348_VI_05
mediumMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Wir Prveder Thoma Apt vnd die sammung gemain des chlost(er)s zdem Hohenfurt ver iehen vnd tven chvnt offenbar an disem p(ri)ef allen den die in
lesent sehent od(er) horent lasen die nv lebent od(er) her nach chvmftich sint daz vnser lieb(er) gnädig(er) herr herr Pet(er) von Rosenberch obristar chamerer des
chvngreiches ze Peham sich gagen vns vnd vnserem chlost(er) mit rat hilf vnd gab ze aller zeit also getrvset vnd so genädichleich genaiget hat da von
wir vnd vnser gotshavs an gvten erb vnd gvet sicherleich zve nemen vnd wachsen vnd vnser narvng des p(a)z mvgen gehaben wand er sein rechtes
erbgvet ze Eibenstain mit andern dörfern die dar zv gehoertan gemain vns vnd vnserem chlost(er) dvrch got vnd zv ainem rechtem selgerat seiner lieben
chonen vns(er) gnädigen frawen vrow Vroln gegeben hat ganczleich mit allem nvcz also beschaidenleich daz wir vnd alle vnser nach chvmften ewchlei
chen alle iär iär da von an dem dritten tag nach sant Mathens tag des hailegen zwelfpoten vnd ewangelisten begen schvllen vnd verhaissen irn
iärtag also daz ir der priest(er) ain selmesse sprechen schol des selben tages vnd der Apt od(er) swer an seiner stat ist ob er zeder selben zeit da haim
nicht wer daz hächampt begen vnd schvllen des tages in dem Revent der sammvng daz mal mit wein vnd mit chost pessern da pei sell der
egenanten sel gedechtnvzze haben vnd in der selben iarczait sechzik armer levt mit pier prot vnd mit chost bespeisen also daz man ie dem
menschen gwai phvntner prot vnd in mäs piers vnd chrävt vnd gersten nach vns(er) gewonhait geben chvllen Dar vmb haizz wir an disem p(ri)ef daz nach
wir begen schvllen alle iär ewchleich vns(er)s vorgenanten herren Avet vrowen Elspeten iär tag des nästen tages nach sant Vincencen tag mit mezz singen
mit mezz lesen vnd mit ainem mal in d(em) Refent als vor geschriben ist Dar nach hat vns vnser egenant(er) herr h(err) Pet(er) von Rosenberch gegeben
sibenczik schok grosser phennig daz wir da von begen schvllen alle iär ewchleich seiner swest(er) iär tag vrowen Iohann(e)n d(er) von Aychälpvrg mit mezz lesen
mit mezz singen als vor geschriben stet vnd schvllen speisen tzwainczik armer levt Dar nach schvll wir begen von ainem phvnt phennig alle iär
ewchleich vrowen Kvnk(v)n von chrvmpnäv iärtag an dem nachsten tag nach d(er) hailigen dreifaltichait tag mit ainem mal vnd mit ganczem ampt
an arm levt als vor geschriben ist Dar nach hat vns vnser vorgenant(er) herr herr Pet(er) von Rosenberch gegeben hvndert schok grosser phennig
da mit wir begen schvllen seiner swest(er) svn hern H(einrich) von phemäw iärtag an dem dritten tag nach sant Egidien tag mit ainem mal in daz
Refent vnd mit alle dem gotes dienst vnd mit sechczik armen levten speisen als vor geschriben ist Dar nach hat vns vns(er) geg gena
diger herr h(err) Pet(er) von Rosenberch gegeben hvndert schok gross(er) phennig vmb seine öhaims sel hern Iannsvon dobrvchss also daz man mit
fvmczik schokken der sammvng ir gewant pezzern schol daz man ie dem prveder alle iär ain rok geben schol des ee nicht gewesen ist
von den andern fvmczik schokken schvll wir begen sein iärtag nach vns(er) frawen tag zeder schidvng mit ainem mal vnd mit all dem gots
dienst als geschriben ist vnd schvllen speisen viertzik armer levt an dem selben tag Dar nach hat vns vnser vorgenant(er) herr h(err) Pet(er) von
Rosenberch gegeben fvmf vnd tzwainczik schok grosser phennig vnd ain phvnt geltes alle iär dar vmb wir begen schvllen alle iär ewchleich hern H(ein)
ricz als ee geschriben ist vnd schvllen speisen fvmf vnd zwainczik armer levt Dar nach hat vns vns(er) egenanter herr herr Pet(er) von Rosen
berch gegeben sechczik schok grosser phennig zv ainem selgeret vnserm ivnge(n) hern h(er)n H(einrich) seine(m) svn da von man den chvenczvent
pringen schol vnd hat vns avch vns(er) vor genant(er) herr herr pet(er) von Rosenberch gegeben fvmfczik schok grosser phennig von den
wir begen schvllen alle iär h(er)n hermans iärczait des ivngen von dyloszing mit dem ampt vnd mit sel mezzen mit aim mal
in d(a)z refent vnd viertzik armer levte speisen als vor geschriben ist wand die selben p(ri)ed(er) hern meins hern svn her hainreich
vns(er) herman der ivng von dyloszing an aim tag vnd an ainer stvnd an dem stveit vor schaiden sint schvll wir ir paider
iärtag begen an dem dritten tag nach sant Bertalmes tag daz die redd vnd alle die gelvb die hie geschriben sint stet gäncz vnd vnczeproche(n)
von vns vnd von vnsern nach chomen ewchleich an alle wider redd an alle irrvnge bleib darvmb so geb wir vnserm genedige(n) hern h(er)n petern von Rosenberch
vnd allen seinen gerben disen p(ri)ef wol versigelten mit des erbern hern h(er)n hermans zv der selben zeit apt ze wilhering vnsers weisers Ingsigel mit vn
serm vnd mit vnsers convents Ingsigel vnd avch gvez dar vber gehoer ob wir oder vnser nach chomen daz ze prechen vnd nicht vol prechten allez daz
daz hie geschriben vnd gelvbet ist daz schvll wir noch daz vngwissen vnd besteten mit andern p(ri)efen wän div sibenczik vnd hvndert schok an aigen geleg(en) wäret
diser p(ri)ef ist gegeben da von christes gepvrt ergangen wärn drevczehen hvndert iär dar nach in dem siben vnd vierczigestem iär an dem hailegem
dreihen tag
lesent sehent od(er) horent lasen die nv lebent od(er) her nach chvmftich sint daz vnser lieb(er) gnädig(er) herr herr Pet(er) von Rosenberch obristar chamerer des
chvngreiches ze Peham sich gagen vns vnd vnserem chlost(er) mit rat hilf vnd gab ze aller zeit also getrvset vnd so genädichleich genaiget hat da von
wir vnd vnser gotshavs an gvten erb vnd gvet sicherleich zve nemen vnd wachsen vnd vnser narvng des p(a)z mvgen gehaben wand er sein rechtes
erbgvet ze Eibenstain mit andern dörfern die dar zv gehoertan gemain vns vnd vnserem chlost(er) dvrch got vnd zv ainem rechtem selgerat seiner lieben
chonen vns(er) gnädigen frawen vrow Vroln gegeben hat ganczleich mit allem nvcz also beschaidenleich daz wir vnd alle vnser nach chvmften ewchlei
chen alle iär iär da von an dem dritten tag nach sant Mathens tag des hailegen zwelfpoten vnd ewangelisten begen schvllen vnd verhaissen irn
iärtag also daz ir der priest(er) ain selmesse sprechen schol des selben tages vnd der Apt od(er) swer an seiner stat ist ob er zeder selben zeit da haim
nicht wer daz hächampt begen vnd schvllen des tages in dem Revent der sammvng daz mal mit wein vnd mit chost pessern da pei sell der
egenanten sel gedechtnvzze haben vnd in der selben iarczait sechzik armer levt mit pier prot vnd mit chost bespeisen also daz man ie dem
menschen gwai phvntner prot vnd in mäs piers vnd chrävt vnd gersten nach vns(er) gewonhait geben chvllen Dar vmb haizz wir an disem p(ri)ef daz nach
wir begen schvllen alle iär ewchleich vns(er)s vorgenanten herren Avet vrowen Elspeten iär tag des nästen tages nach sant Vincencen tag mit mezz singen
mit mezz lesen vnd mit ainem mal in d(em) Refent als vor geschriben ist Dar nach hat vns vnser egenant(er) herr h(err) Pet(er) von Rosenberch gegeben
sibenczik schok grosser phennig daz wir da von begen schvllen alle iär ewchleich seiner swest(er) iär tag vrowen Iohann(e)n d(er) von Aychälpvrg mit mezz lesen
mit mezz singen als vor geschriben stet vnd schvllen speisen tzwainczik armer levt Dar nach schvll wir begen von ainem phvnt phennig alle iär
ewchleich vrowen Kvnk(v)n von chrvmpnäv iärtag an dem nachsten tag nach d(er) hailigen dreifaltichait tag mit ainem mal vnd mit ganczem ampt
an arm levt als vor geschriben ist Dar nach hat vns vnser vorgenant(er) herr herr Pet(er) von Rosenberch gegeben hvndert schok grosser phennig
da mit wir begen schvllen seiner swest(er) svn hern H(einrich) von phemäw iärtag an dem dritten tag nach sant Egidien tag mit ainem mal in daz
Refent vnd mit alle dem gotes dienst vnd mit sechczik armen levten speisen als vor geschriben ist Dar nach hat vns vns(er) geg gena
diger herr h(err) Pet(er) von Rosenberch gegeben hvndert schok gross(er) phennig vmb seine öhaims sel hern Iannsvon dobrvchss also daz man mit
fvmczik schokken der sammvng ir gewant pezzern schol daz man ie dem prveder alle iär ain rok geben schol des ee nicht gewesen ist
von den andern fvmczik schokken schvll wir begen sein iärtag nach vns(er) frawen tag zeder schidvng mit ainem mal vnd mit all dem gots
dienst als geschriben ist vnd schvllen speisen viertzik armer levt an dem selben tag Dar nach hat vns vnser vorgenant(er) herr h(err) Pet(er) von
Rosenberch gegeben fvmf vnd tzwainczik schok grosser phennig vnd ain phvnt geltes alle iär dar vmb wir begen schvllen alle iär ewchleich hern H(ein)
ricz als ee geschriben ist vnd schvllen speisen fvmf vnd zwainczik armer levt Dar nach hat vns vns(er) egenanter herr herr Pet(er) von Rosen
berch gegeben sechczik schok grosser phennig zv ainem selgeret vnserm ivnge(n) hern h(er)n H(einrich) seine(m) svn da von man den chvenczvent
pringen schol vnd hat vns avch vns(er) vor genant(er) herr herr pet(er) von Rosenberch gegeben fvmfczik schok grosser phennig von den
wir begen schvllen alle iär h(er)n hermans iärczait des ivngen von dyloszing mit dem ampt vnd mit sel mezzen mit aim mal
in d(a)z refent vnd viertzik armer levte speisen als vor geschriben ist wand die selben p(ri)ed(er) hern meins hern svn her hainreich
vns(er) herman der ivng von dyloszing an aim tag vnd an ainer stvnd an dem stveit vor schaiden sint schvll wir ir paider
iärtag begen an dem dritten tag nach sant Bertalmes tag daz die redd vnd alle die gelvb die hie geschriben sint stet gäncz vnd vnczeproche(n)
von vns vnd von vnsern nach chomen ewchleich an alle wider redd an alle irrvnge bleib darvmb so geb wir vnserm genedige(n) hern h(er)n petern von Rosenberch
vnd allen seinen gerben disen p(ri)ef wol versigelten mit des erbern hern h(er)n hermans zv der selben zeit apt ze wilhering vnsers weisers Ingsigel mit vn
serm vnd mit vnsers convents Ingsigel vnd avch gvez dar vber gehoer ob wir oder vnser nach chomen daz ze prechen vnd nicht vol prechten allez daz
daz hie geschriben vnd gelvbet ist daz schvll wir noch daz vngwissen vnd besteten mit andern p(ri)efen wän div sibenczik vnd hvndert schok an aigen geleg(en) wäret
diser p(ri)ef ist gegeben da von christes gepvrt ergangen wärn drevczehen hvndert iär dar nach in dem siben vnd vierczigestem iär an dem hailegem
dreihen tag