Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

1454_VII_08

CZ-KAVB > VYBRO > 1454_VII_08

Zdroj: MonasteriumAI paleografieAI interpretace
Strana 1 / 3
1454_VII_08, strana 1
Zobrazení
Transkriptgemini-3.1-pro-preview
Wir Pauls abtt von Hochenfurt vnd der gancz Convent daselbs Bekennen vnd tun kund offenleich mit dem
brief das vnser hunderfas ainer genant Peter vnd ainer genant hensel zwen prueder gesessen zu oppach
In ainem dorf die sind also mit ainander gar genczlich verricht worden durch vns vnd auch mit hilf vnd
Rat des Edeln herren hern Remprechten von Polnham das ist als gewesen von ains wassers wegen In dem
egenanten dorff auf der Gemayn Nach dem der hannsel gestanden ist vnd doch des kain Recht mer gehabt
hat vnd habent also einzeit von des wassers wegen Zwitrachtikait gegen ainander gehabt doch In dem
selben hab wir vns daruber bedacht vnd haben den Petern mit sambt dem hennselln gepeten das er In der
freuntschaft vnd pruederschaft geniessen lasse das er Im des wassers ain chlainen tail durch ein Eysnein plech
lass Rinnen von petz wegen vnd nicht von Rechts wegen Rinnen lyt doch nur von guetten willen vnd prueder
schaft wegen Als dann vor begriffen ist In dem brief doch Im vnd allen sein erben an schaden vnd andern sein
Nachpawren an sollichem wasser vnbegolten wa aber das das wasser als chlain wurdt das sein der peter oder
die andern Nachpawrn mangel hetten So schol der Richter vnd hofmaister zu hodonitz schaffen mit dem hennslein
das er das wasser vermach vnd ainen zapfen dafur stosse vncz auf diezeit vnd weil das des wassers genueg
werdt So mag dann der genant hennsel sein prueder sollichen zapfen widerumb aufziehen damit Im sollich
wasser durch das obgemelt Eysnein plech gerunnen mag zu sein notturften als vor In dem brief begriffen
ist worden vnd wellicher der berednuss nicht stat hielt vnd hinfur anders machen wolt der schol seinem herren
verfallen sein Zwayvndreyssigk phundt phenig an alle gnad vnd des zu vrkund vnd zu pesser sicherhait
wegen Geben wir In den brief Besiglt mit vnsers Pauls abtt zu hochenfurt vnd des ganczen Convent Inhan
gunden Insigl vnd auch zu pesser gedechtnus vnd bestatnus haben wir fleissigleich gepeten den Edeln herren hern
Remprechten von Polnham der auch sein Insigl an den brief gehangen hat Im vnd allen sein erben anschaden
Der brief ist Geben Nach Cristi gepurde Tausent vierhundert Iar vnd darnach In dem vierondfunfczigisten
Iare Am Erichtag vor sand Margretentag

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.