Wier pesserholz die Zeit Richter Rath Vnd die Gancz Gemayn des Marigkts zu Fridburg Wir bechenne
mit dem offenn brief Vor allen den so er furechumbt zehorn sehn oder lesn von wegn der bericht Zwissn
des Erwirdign in got Vatter vnd hern hern Thoman abt des Wirdign vnd loblichn stifft vnser liebn frawen
gotzhaus Zu Hohnfuert vnd des Wirdign Conuentz da selbs Stoss vnd Zwitracht ettwen zwissn Jr vnd vnser
gewesen Von wegn ainer waid vnder fridburg vnd vnder Studene genayst pey der wultaw also das wir die
gantz Gemain Von fridburg die waid Nuczen vnd geniessn sollen nach allem vnserm willn pis an die altn
marich vnd gehag vnd auch pis Zu der wultag vnd sol auch ain gattern angehangn werdn vnd ob die altn
gehag abgingn vnd mugn vnd solln wir vnd des Erwirdign hern des abtz leut von Studene solichn abgang
vndrumb helfn pessern damit des hern abtz lewten nicht schadn geschech vnd der her abet sein gnad sol der
wald vnd wildpann geniessn oberhalb vnd Vntterhalb des gehag an allers vnser hinderniss vnd Irrung vnd
Wir solln nichts damit Zeschaffen noch Zethuen habn an willn vnd wissn des hern abtz vnd seiner holzhaur
Wir schollen auch in chainnerlay weys in den wald nicht greiffen Zueder mit holtz abslahen schnittn oder prennen
Sunder wir mugn vor dem grossem wald dy Staudn vnd das Jungholz abslahen vnd ausraumen damit
die waid nicht verwachs Wir schollen auch allew Jare von der waid in das kloster Zu hohnfurt Zinsn vnd
dienn achtzigkig phennig gancz munss als sein Zinszinss neme Zu sand Gallentag vnd der waid sold sunst nie=
mant geniessn wen Wir du fridburg Er scholln auch des hern abtz leut ainen freign weg von Studene
Zw der Wultag habn an allers vnser hinderniss vnd Irrung solicher bericht Vnd vertrachtung Zwissn
des erwirdign hern hern Thoman abt vnd des Wirdign Conuentz Hohnfurt vnd vns beschehn Geben wir
den offen brieff aller obuersribn sachen Bestatiget vnd pebart mit Vnserm Marckht anhangunden
Sigil Auch Zu merer gedechtnus vnd pesserm Vrkundt habn Wir obgenant purgs aintrach=
tichleich gebetn den Edln Vestn Synderisch Sudtko Von longdorff das er auch sein Sigil
Zuvns angehangn hat doch Im Vnd seinen Erben anschaden. Geben Zw Fridburch des
Suntag nach sandt mathias tag Nach cristi gepuert Tausent vierhundert Vnd Jndemfunf vnd
Newnczigistn Jare