Ich Jobst Herr von Rosenberg ~Bekenn~ und thue kundt allermennigclich das der Erwirdig In got vater Herr ~pauel~ abte unns(er) lieben frawen gotzhaus zw Hohenfurt mein gueter freündt mir zwen pergaminnen
brieff bede von weingarten der ligt von Weichesdorff aufganngen furpracht der selben brieffe vidimus und transsumpt zogebe(n) erbeten das Ich Inthuen bewilligt Lauttend die brieff von wort zw wortn also
Ich meinhart der fleut von Weichesdorff bekenn und thuen kundt allen den die disen brieff lesen oder horen lesen die nun lebe(n)d und hernach künfftig seindt das Ich meiner haussfrawenn frawen
Ursulen gemacht hab zürecht(er) Morgengab nach des Lanndtsrecht zw osterreich den weingarten der da haisset der glok wier pur und gelegen ist bei Amastall der unnser rechts aigen ist für sibentzig
pfundt pfennig wiener müntz und bin auch ich vorgenanter Meinhart der fleut unnd Ich hainrich sein brüder recht schernn und gewer für all ansprach als aigens unnd morgengab Recht ist
In dem Landt zw osterreich und habn unns auch baid angenom(m)en für unnsern brüder otten wan er bey landt nicht ist und wen wier er mit unnser muetter und mit unnser geschwisteret nit
gethan haben und nach unnser pesten freündt Rat also mit aufgenomen hab wan In mein erben geben die vorgenanten sibentzig pfundt pfennig so sol der weingart ledig sein und daruber
geb wir Ir disen brieff versiglt mit unnser peder aigen anhangennden Insigen und ist auch der sach gezeug mein oheim fridrich der frawer mit seim Insigl und mein vetter Conradt der
peunt mit seinem Insigl der brieff ist gebn nach cristi gepurd Treytzehenhundert Jar darnach In dem ainnundfunfftzigsten Jare des sontags nach unser frawentag zw der Liechtmessn
Ich meinhart der fleut von Weichesdorff und ich ursula sein haussfraw und unnser baider erben wir bekhenn und tuen kundt allen den die disen brieff lesen oder horen lesen die lebend unnd
hernach künfftiglich sindt das wir mit gemainem Radt und bedachtem muet mit willenn unnd gunst aller unnser freündt zw der zeit do wir es wol gethuen mochten unnerschaidenlich
verkauft haben unnsern weingarten der da ligt an dem perg der da haisset gelaub wir unns(er)n und haisset auch der weingart gelaub der vierthalb sindt mit sambt dem acker der vor dem
weingarten leit als lang der weingart ist an der lenng und acht klaffter und zwo elen nach der brait und ist allers freir aigen also das man nichts daruon diennet noch dinnen soll weder zehent
recht noch pergrecht noch steur und gross das man Inne wenn zw santgeorg zw der pfarr zw Weichesdorff dem man daruon sol den leüten die zw ostern zw gots tisch geen und den sol In dem
nu wer leutmaister daselbs ist In dem tailn vor dem weingarten oder in der press wir haben In auch geben ainen freyen wege und ein freye strassen antten von dem weingarten uber alle acker
unntz auf die Lanndstrasse In und allen leüten die da zw schaffen habend also das ein wagen freilich da geen mag und ein knecht darneben und auch ein wagen dem anndern gepeiten mag
ob In not geschach sy sein gefert oder nicht den vorgenanten weingarten acker und weg haben wir baid unnd baidlich und unnerschaidenlich verkauft und gebn mit allem nu nutz und
rechten als sy unns allain anng beholten sindt unnd wir sy in aigens gewer hergebracht haben umb Neunundfunfftzig pfundt wiener müntz der wir gar und gannz gewert sein dem erbern
herrn Abt Albrechten und den herren gemain des Closters zw hohenfurt furpas ledigclich und freilich zehaben und allen Iren frumben damit zeschaffen zewandlen zesezen und geben wem sy
wollen an allenn krieg und an allen furfall daruber durch pesser sicherhait so sezen wir baid vorgenanten Ich Meinhart der fleut von Weichesdorff und Ich ursula sein haussfraw und unser
paider erben unnerschaidenlich uber den vorgeschriben weingarten acker und wege den erbern herrn Abt Albrechten und der samblung gemain des Closters zw hohenfurt zerechten gewern und
schern für aller ansprach als freis aigens Recht ist und des landtsrecht zw osterreich weis aber das sy mit Recht an denselben weingarten acker und wege krieg oder ansprach gewunnen was sy des
schaden nämen den solten wir In alles Richten und wider kernn an alle Ir chost und an allen Iren schaden unnd solten sy das haben auf unnsern leibern und fur aigen unns(er)n guet
das wir haben In dem Landt zw osterreich oder wo wir es haben wie In lebendig oder tod wird das diser kauff und die rede all stät und unzerbrochen beleib darumben geben
wir In den brieff zw ainnigwaren urkundt und zw ainer ewigen vestigung diser sach versiglten mit meinem Insigl und mit fridrichs des phummen von wissindorff und mit Conrads des
peunnen von staudndoorff und mit dietmars des phummen von weichesdorff anhangennden Insigeln die Ich des vleissigclich gebeten hab das sy der sach gezeug sein mit anndern erbern
Leüten der brieff ist geben nach cristi gepurd Treytzehenhundert Jar darnach In dem ainnundfunfftzigsten Jare an dem pfinztag und wen des aber solich berürte brieff Innhalt zwem
brieff ain permat schrifft Innhigt gannz gerecht an allen angenen gesehen auffs des transsumpt mit denselbigen Originaln von wort zw worten mit wenig aigentlich collacionirt gem(acht)
Lauttendt urkunden des zw waren urkundt hab Ich mein Innsigl an disen brieff hengen lassen der geben zw krum(m)enaw am erichtag nach exalta(cionis) ~crucis~ gepurd Tausentfunffhundert
und funffunddreissigisten Jare