Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

1536_V-VI

CZ-KAVB > VYBRO > 1536_V-VI

Zdroj: MonasteriumAI paleografieAI interpretace
Strana 1 / 3
1536_V-VI, strana 1
Zobrazení
Transkriptgemini-3.1-pro-preview
Ich Michel widmer Burger vnd des Raths zu Lÿntz, Vnd Jch agnes sein eelige hausfrawe, Bekennen fur vnns, vnd all
vnnser erben, Vnd thuen kundt menigclich mit dem brieff, allen den er furkumbt, Das wir dem Erbern hannsen
agair, fleischhacker vnd mitwoner des closter Lÿntz, Barbara seiner hausfrawen, Vnd allendreyen baiden
Erben, Ain Erbrecht mitsambt ainer fleischpanckh gerechtigkait daselbs zu Lÿntz, Beÿ den fleischpenckhen
so vnndert vnnserem haubtguet auf der Rechten seitten zenechst an der alten fleischacken panngkh gegen
der statmaur anstossendt gelegen, So sÿ selbs von newen dinge auf denselben grundt auf Jren Costen
gepaut vnd gemacht, vnd die wir Jne Erbrechts weise geben vnd verlihen haben, In solcher aÿgenschafft
Das der gemelt hanns agair Barbara sein hausfrawe, vnd all Jr erben vnd nachkomen, vnns vnnd
allen vnnsenn erben vnd Nachkomen, Alle Jarlich vnd aines Jeden Jars Sechtzehen schundt vnnschlitt
zu Järlichem diennt agententag, dauon dienen geben vnd Raichen sullen, vnd die Erst bezallung
des gemelten dienst der Sechtzehen schundt vnnschlitt sullen sÿ anfahen zu sanndt agentten tag dits
Sechs vnnddreissigisten Jars geben vnd bezallen, Vnd hinfuran Allweg zu Järlichem sanndt agentten tag,
gedient werden, Als haben wir Jnen vnd allen Jnen erben, dise fleischpanckh gerechtigkait, Aus vnser
allen vnnser erben gewalt, nutz vnd gwer In Jr, allendrey erben gewalt, nutz, vnd gwer, mit gewisster
freunden vnd aller stat, so sÿ zu Recht daruber bedurffen, vngeanttwurt, darumb sÿ nun hin
furan, allendrey nutz vnd frumen, damit besuechen, betrachten vnd furmmen mugen, durch
Jnn haben, nutzen vnd niessen, dauon versetzen, verkauffen, schaffen machen vnd geben, wem er sÿ
vnd wie sÿ wellent, Doch All solches mit vnnserm gunst wissen vnd willen beschehen, Sÿ sullen
auch die bemelt fleischpanckh fur vnd fur Auff Jren Costen vnd darlegen, Rittig vnd peulich
legen vnd hallten, damit wir vnnser Järlichen dienst der Sechtzehen schundt vnnschlitt Jär
lich dester statlicher dauon bekomen mugen, wo sÿ aber die gemelt fleischpanckh nit Rittig
vnd peulich legten vnd hiellten, Auch mit dem Järlichen dienst vber vnnsenn willen damit ver
zugen, Vnd den nit bezallten, Allsdann haben Sÿ Jr Erbrecht dardurch Verloren, vnd ver
wirckht, Vnd die vns vnnsenn erben vnd nachkomen, widerumben freÿ ledig werden vnd
haimbgefallen, vnd ainen oder mer anndern widerumben verkauffen, oder Erbrechts weise
verlassen mugen, Trewlich vnd vngeuerlich, Zu vrkhundt ditz brieffs, Mit mein obgemelts
michel widmer aigen anhangunden Jnnnsigel verfertigt, zu merer sicherhait vnd glauben
haben wir den fiersichtigen ersamen vnd weisen Christoffen hofmanndl, Statrichter zu Lÿntz
mit vleis gebetten, das Er sein Jnnnsigel doch Jme sein erben vnd Jnnnsigel onschaden auch dar
neben zu gezeugnuss an den brieff gehangen hat, Darunter wir vnns, vnd fur all vnnser
erben verpinden, dissen vorgeschriben Jnnnhalt, war vest vnd stät zehalten, Geben an freittag
nach dem hailligen auffarttag, Nach Christi vnnsers lieben herrn geburt funfftzehenhundert
vnd darnach Jm Sechs vnnddreissigisten Jare:

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.