1558_I_16
CZ-KAVB > VYBRO > 1558_I_16
mediumMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Ich Johannes Abbte Vnnser lieben Frawen Gotzhauß Zw
Hohenfurt, Bekhenn hiemit disem Brieffe, für mich vnd all mein Nachkhumen, das die
Ersamen vnd weisen, d(er) Burgermeister Richter Ratt vnd gantz Gemain des Markhts
Rosentall zue dem Closter Hohenfurt Jerlichs zehent getraidts nemblich zehen Zueber
Habern, Gersten drey Zueber vnd habern segs Zueber auff den Pfingsten zuanttwortten schuldig vnd
pflichtig seindt, So hab ich aber auff ir groß vleissig pitlich anlangen, für solh zehent
getraidt Jerlichen Jmmer Acht tagen vor oder nach weinnachten vier schogk meißnisch vonn
Jnen zunemen bewilligt, Bewillig vnd zuesag auch solhs hiemit Crafft dis briefs, als sie
sich dan des durch briefflich vrkhundt mit Jrem vnd gemains Markhts Rosentall Aignen
Anhangenden Jnsigill gegen dem Closter Hohenfurt vnd allen meinen nachkhumen ver=
pflichtet vnd verbunnden haben. Das nun solhs iez zue meinen vnd füran Ewigenn
zeitten alß die vier schogk, für dasselb zehent getraid der Neuntzehen Zueber gegeben
vnd genumen stat verendt bleib, auch zwischen Jnen nachkhumen, darzue vns vnd vnsern
nachkhumen verhallten werde, Hab ich obbemelter Johannes Abbte Jnen vnd gemainem
Markht Rosentaall dises Reuers Ein vrkhundt mit meinem Aignen Hieanhangen=
dem Jnsigill verfertigt, Gegeben Zue Hohenfurdt, Sontags vor Fabiani vnd Sebastia=
ni der Heilligen Martrer, alls man nach Cristi vnsers Erlösers vnd seligmachers ge=
purdt Zellt Fünffzehenhundert vnd im Achtundfünffzigisten Jaren.
Hohenfurt, Bekhenn hiemit disem Brieffe, für mich vnd all mein Nachkhumen, das die
Ersamen vnd weisen, d(er) Burgermeister Richter Ratt vnd gantz Gemain des Markhts
Rosentall zue dem Closter Hohenfurt Jerlichs zehent getraidts nemblich zehen Zueber
Habern, Gersten drey Zueber vnd habern segs Zueber auff den Pfingsten zuanttwortten schuldig vnd
pflichtig seindt, So hab ich aber auff ir groß vleissig pitlich anlangen, für solh zehent
getraidt Jerlichen Jmmer Acht tagen vor oder nach weinnachten vier schogk meißnisch vonn
Jnen zunemen bewilligt, Bewillig vnd zuesag auch solhs hiemit Crafft dis briefs, als sie
sich dan des durch briefflich vrkhundt mit Jrem vnd gemains Markhts Rosentall Aignen
Anhangenden Jnsigill gegen dem Closter Hohenfurt vnd allen meinen nachkhumen ver=
pflichtet vnd verbunnden haben. Das nun solhs iez zue meinen vnd füran Ewigenn
zeitten alß die vier schogk, für dasselb zehent getraid der Neuntzehen Zueber gegeben
vnd genumen stat verendt bleib, auch zwischen Jnen nachkhumen, darzue vns vnd vnsern
nachkhumen verhallten werde, Hab ich obbemelter Johannes Abbte Jnen vnd gemainem
Markht Rosentaall dises Reuers Ein vrkhundt mit meinem Aignen Hieanhangen=
dem Jnsigill verfertigt, Gegeben Zue Hohenfurdt, Sontags vor Fabiani vnd Sebastia=
ni der Heilligen Martrer, alls man nach Cristi vnsers Erlösers vnd seligmachers ge=
purdt Zellt Fünffzehenhundert vnd im Achtundfünffzigisten Jaren.