Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

1628_VI_06

CZ-KAVB > VYBRO > 1628_VI_06

Zdroj: MonasteriumAI paleografieAI interpretace
Strana 1 / 3
1628_VI_06, strana 1
Zobrazení
Transkriptgemini-3.1-pro-preview
WIr Jacob Schrenckh Gräff(lich) Meggäüischer Pfleger
beeder Herrschafften Freystatt vnnd Haus Bekhenne vnnd thüe khundt Jedermenigclich mit disem Brieff
wo der fürnemmen Noththüet, das vor mich erschinen hieiger Herrschafft mein vertraüter guetter
Freundt Hanns Pöltz zu Kampach, mit Ime Söhn Jörgen Pöltzen, vnnd mir darumb höch fleiß
fürnemmen gebeten, wie Er ermelten sein Söhn Jörgen Pöltzen hierkhomment vnnd Zu
brieff, Khundtschafft Zühaben bewilligen wolt, mir auch darumben Zü Zeügen für, die Ersamben
vnnd fürnemmen Hannsen Löffner Zu Kampach seines alters bey Achtzig Jaren, Jochimen Wolf
mayer Zu Wernstein Hoffpügern hiesiger Herrschafft seines alters bey Acht vnnd Sibentzig, vnnd Hannsen
Stelzeneder Zu Sonnberg bey Sibentzig Jaren alt, welche an Aidts statt Jeden absonderlich
außgefragt vnnd bekhant, Imen sey khundt vnnd trügen rechtes wissen, das nach der Zeit
vnnd Zwaintzig Jaren, es wehre Ime Jahr der Eegen schafften Regina weilent Merthen
Löffners Zu Vngerey dem Kampach seligen, hinderlassenen wittib, Nünmehr auch seligen,
in ehelichs heürath eingelasen, vnnd Vor Vorher, Zwen Christlichen Eheschweng an dem würdigen
Gottshauß allten ten verricht, vnnd durch den damahligen da selbs gewesten Pfarrherrn Ander
Bögen genant, Christlichen getraüt, nach Copulirt, Volgendt Zwen hochzeitlichen Ehrentag, in
der selbsigen behausung gehalten vnnd volendet, welchen allen besagte Zeügen selbsten
Persönlich beygewohnt, Hiernach besagte Eeleüth das Ehen wie frommen Eeleüthen ge
Zimbt miteinander gehaust, vnnd in wärender Ehe, disen Iren Söhn, Jörgen Pöltzen
neben anndern Khindern mehr, in recht der wahren Ehehafft miteinander erzeugt, Weil
dann deme deß vnnd mehr annder khainß niemanden mit der Seruitut vnnd Leibaigen
schafft angethan, alß habe aüch sein bittlich begeren, der warheit Zu steür Ich Ime diß Khundt
schafft von Obrigckhaits wegen Züertheilen, nit abschlagen noch verwaigern wöllen, Belang
sieganz an alle vnnd Jede, was dignitet vnnd wirden die sein, mein dienst freündlich er
sinnen vnnd bitten, Imen besagten Hannsen mit aller gewohnen befürderung bestens be
folhen sein Zülassen, Iß soll Ime hie in gleichen hinwiderumben beschuldet werden, Zü
Bekhandt, hab Ich dise Khundtschafft mit meinem aignen hieran hangenden Innsigl, be
khräfftiget, Geschehen vnnd geben auf der Eher, Herrschafft frey statt den Sechsten monats
Junij, Als man Zalt, Nach dem vnsers lieben herrn vnnd Säligmaachers geburtten Tausent Sechs
hundert Acht vnnd Zwaintzig Jare.

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.