Joannes Bap(tis)ta Spinula Societatis Jesu, Collegij Germ(anici) et Hung(arici) in Alma Urbe Rector
Fidem facimus Pr(a)enobilem, et Adm(odum) R(everendum) Dominum Tobiam Adalbertum Opitz Sacerdotem Di(o)ecesis Pragensis
a die uigesima octaua Octobris anni millesimi septingentesimi duodecimi, usque ad pr(a)esentem diem
decimam tertiam mensis Junij anni millesimi septingentesimi decimi quinti in hoc Collegio Germ(anico)
et Hungarico de Urbe Sedis Ap(osto)lic(a)e Alumnum fuisse, absque ulla interruptione, et pernoctatione
extra idem Collegium, atque in eo Theologi(a)e Scholastic(a)e, Controuersiarum, et Juris Can(onici) studijs cum
magna diligenti(a)e, et ingenij laude operam dedisse; ac proinde in utraque facultate Philoso=
=phica, et Theologica in Archigymnasio Sapienti(a)e Roman(a)e ad Doctoratus Lauream fuisse pro=
=motum. Pietate uerò modestia, morum probitate, disciplin(a)e, ac moderatorum suorum obser=
uantia optimè se gessisse, ut Superioribus magnoperè carus, et Alumnis omnibus optimo semp(er)
fuerit exemplo. Quare cum in Germaniam proficiscatur, ut suos in Uineam Domini conferat labo=
=res, Nos qua illum beneuolentia nobiscum commorantem complexi sumus, eadem discedentem pa
ternè prosequimur, ac omnes, ad quos peruenerit in Domino commendamus, et ad omnia Beneficia
Ecclesiastica, etiam cum cura animarum dignissimum iudicamus. In quoru(m) fidem has manu n(ost)ra
subscriptas, et Collegij Sigillo munitas dedimus Rom(a)e apud S(an)ctum Apollinarem die 13 Junij 1715
Joannes Bap(tis)ta Spinula Rector