Georgius dei gracia Bohemie Rex Morauie Marchio Lucemburgen(sis) et Slesie Dux ac Lusacie Marchio Notum facimus tenore presencium vniuersis Q(uo)d
accedentes maiestatis n(ost)re presenciam Religiosus Andreas p(ri)or et Conuentus Monasterij beate Marie virginis in Landeskrona ordinis Canonicorum regularium sancti Au
gustini Lithomisslen(sis) dioc(esis) deuoti nostri dilecti nobis humiliter supplicauerunt quat(inus) omnes gracias libertates donaciones indulta priuilegia et iura vniuersa a diuis p(re)decessorib(us)
n(ost)ris aut ab alijs quibuscu(m)q(ue) xp(ist)ifidelibus prefato monasterio donatas datas et concessas donata data et concessa solita benignitate regia innouare approbare ratificare et confirma
re dignaremur Nos conseruacioni locorum religiosorum et personarum deo deditarum libenter intendentes Non per errorem aut improuide sed animo deliberato maturo proce
rum et fidelium n(ost)rorum consilio de certa n(ost)ra sciencia auctoritate Regia omnes gracias libertates donaciones concessiones indulta priuilegia et iura vniuersa a felicis memorie re
gibus p(re)decessoribus n(ost)ris Pontificibus prelatis et quibuscu(m)q(ue) xp(ist)ifidelibus eid(em) monasterio donatas datas et concessas data donata et concessa in omnibus punctis articulis clau
sulis et sentencijs ac si hic omnium eorum tenores de verbo ad verbum insererentur innouamus approbamus ratificamus et confirmamus bona eciam ip(s)is donata uel ab eis iusto
titulo quesita hic volumus annotare in bohemia ville damykow Radimir Krotnfal Trzebowige Teprk Krigenphus Bystrige Stritez et curia in ossok in Morauia vero villa
Sredia media Nzamislia cum rubeto Sndrczin cum silua que a(n)no qui wlgariter Dulkana dicitur et Quatuor lanei in lasskow Decernimus itaq(ue) et volumus ut omnia et singu
la in prefatis litteris contenta perpetui roboris obtineant firmitatem Vt autem magis n(ost)ra se preuentos gracia senciant prefatum monasterium Canonicorum regularium in landes
crona possessiones et bona illius singula cum fratribus et omnibus rebus eorum vestigia p(re)decessorum n(ost)rorum presertim diui Karoli imitantes in n(ost)ram tuicionem protectionem et de
fensionem suscepimus graciose Nulli ergo hominum liceat hanc paginam n(ost)rarum innouacionis approbacionis confirmacionis decreti et inhibicionis infringere uel ei ausu temera
rio contraire Siquis autem contrarium fecerit indignacionem n(ost)ram grauissimam se nouerit incursurum p(re)sens sub appensione n(ost)ri regalis sigilli testimonio litterarum Dat(um)
Olomucz die Quartadecima Februarij Anno domini Millesimoquadringentesimosexagesimo Regni n(ost)ri anno Secundo
Ad rel(aci)o(ne)m d(omi)ni procopij de Rabenstein Cancell(arij)
Hilarius decanus O(mn)i(u)m S(an)c(t)or(um) Pragen(sis)