In Nomine Sancte et Indiuidue Trinitatis Patris et Filii et Spiritus sancti Amen.
Nouerint vniuersi et singuli hoc presens publicum Transumpti Instrumentum inspecturi visuri lecturi pariter et lecti audituri Quod nos Petrus de Vicentia dei et apostolice sedis gratia Episcopus Cesenat(ensis) Sanctissimi domini nostri pape
causarum Camerarii Necnon Curie causarum Camere apostolice generalis Auditor Romanus Curie Iudex ordinarius ad venerabilis et Religiosi viri domini Iohannisaugustini de papia Monasterii sancte Marie de Pace de vrbe ordinis
sancti Augustini Congregationis Lateranensis Generalis Procuratoris prout de sue procurationis mandato nobis legitime constat documentis Instantiam Omnes et singulos sua coiter vel diuisim interesse putantes eorumque procuratores
si qui essent in Romana Curia pro eisdem Ad videndum et audiendum quoddam Sumptum de Regro Bullarum apostolicarum facultatis eligendi Conseruatorem Canonicis regularibus sancti Augustini dicte Congregationis Lateranensis
per felicis recordationis Nicolaum papam .v. concesse Necnon nonnullos testes vt et tanquam testes ad iurandum de perhibendo testimonium veritati de et super recognitione signeti Sumpto huiusmodi appositi et impressi producere ipsi
iurare et ad iurandum admitti ipsumque signetum recognosci et postquam huiusmodi signetum sufficienter recognitum fuerit ipsum sumptum aperiri et pro aperto haberi necnon idem sumptum transumi et exemplari ac in publicam Tran/
sumpti formam redigi mandari auctoritatemque et decretum dicte Curie atque nostrum desuper interponi Vel dicendum et causam si quam habeant rationabilem quare premissa minime fieri debeant allegandum per Audientiam litterarum Con/
tradictarum domini nostri pape citari fecimus et mandauimus ad certum peremptorium terminum competentem videlicet ad diem et horam infrascriptos Quibus aduenien(tibus) Comparuit in iudicio legitime coram nobis dictus dominus Iohannesau/
gustinus generalis procurator et quoddam sumptum Bulle facultatis eligendi Conseruatorem prefatis Canonicis regularibus sancti Augustini dicte Congregationis Lateranensis per felicis recordationis Nicolaum papam .v. vt prefertur
concesse de Regro earundem Bullarum apostolicarum ipsius felicis recordationis Nicolai pape .v. clausum et signatum facto realiter et in scriptis infrascriptisque tenoris exhibuit atque presentauit Et deinde quadam Citatione Audientie
Pergameni cedula a nobis emanata in dicta audientia litterarum Contradictarum domini nostri pape lecta inibique debite executioni demandata per eum exhibita Citatosque in eadem contentos non comparentes contumacia accusata Et in eorum contu
maciam nonnullis Testibus fidedignis super recognitione signeti huiusmodi productis receptis et admissis et in forma iuris iuratis ipsoque signeto sufficienter recognito ac sumpto huiusmodi aperto sumptum ipsum in similem contumaciam per discretum
virum Magistrum Lotherium de Tormellis laycum Nouarien(sem) publicum apostolica et Imperiali auctoritatibus dicteque Curie Notarium et coram nobis Scribam infrascriptum transumi et exemplari ac in publicam formam redigi mandauimus
et dicte Curie auctoritatem iudiciariam et ordinariam pariter et decretum interponi per nos instanter postulauit Nos tunc Petrus Episcopus et Auditor prefatus supradictos Citatos non comparentes reputauimus merito prout erant id exi/
gente iusticia contumaces Et in eorum contumacia dictum sumptum sic vt premittitur recognitum et apertum ad manus nostras accepimus illudque vidimus tenuimus legimus et diligenter inspeximus Et quia huiusmodi sumptum om
prorsus vitio et suspitione carere inuenimus Idcirco illud ad supradicti domini Iohannisaugustini procuratoris Generalis instantiam per prelibatum Magistrum Lotherium dicte Curie Notarium et coram nobis Scribam infrascriptum transu/
mi et exemplari ac in publicam Transumpti formam redigi fecimus et mandauimus Volentes et aucte dicte Curie decernentes quod presenti Transumpto publico decetero et inantea tam in Romana Curia quam extra stetur illique detur
et exhibeatur talis et tanta fides qualis et quanta suis aplicis felicis recordationis Nicolai pape .v. prefati adhiberi potest quod sumptum inferius est insertum et cum presenti Transumpto diligenter auscultatum et collationatum
Cuius tenor de verbo ad verbum sequitur et est talis Nicolaus Episcopus Dilectis filiis sancte Marie noue florentin(e) et sancti Georgii maioris de venetiis Castellan(e) dioc(esis) ac sancti Sixti placentin(e) Monasteriorum Abbatibus Salu
tem et Apostolicam benedictionem Sane dilectorum in christo filiorum Vniuersorum Canonicorum ordinis sancti Augustini de Congregatione Saluatoris Lateranensis olim de fridiana nuncupata ac Congregationis earundem conquestione percepimus quod nonnulli
Archiepiscopi Episcopi aliique ecclesiarum Prelati et clerici ac ecclesiastice persone tam Religiosi quam seculares Necnon Duces Marchiones Comites Barones Nobiles Milites et layci communia Ciuitatum Vniuersitates Opidorum Castrorum Villarum et
aliorum locorum et alie singulares persone Ciuitatum et dioc(esium) et aliarum partium diuersarum occuparunt et occupari fecerunt Castra villas et alia loca Terras domos possessiones iura et iurisdictiones necnon fructus census redditus et prouentus
dicte Congregationis et Canonicorum huiusmodi et nonnulla alia bona mobilia et immobilia spiritualia et temporalia ad Congregationem et Canonicos huiusmodi Necnon Lateranen(sem) et alia eorum ecclesias Monasteria prioratus et Regularia
loca communiter seu diuisim spectantia et ea detinent indebite occupata seu ea detinentibus prestant auxilium consilium vel fauorem Non ignari quod de spiritualibus et temporalibus ad ipsos spectantibus nulli liceat se intromittere
ordinarii presentes et futuri eorum pro tempore Vicarii in spiritualibus Generales necnon alie quecumque in dignitate constitute persone ac eorum singuli quando et quotiens pro parte Congregationis et Canonicorum prefatorum
super premissis requisiti fuerint ad presentium litterarum executionem procedere possint et debeant etiam perinde in omnibus et per omnia ac si presentes littere etiam eis cum clausula quatenus vnus vel duo eorum vel ipsi omnes
etiam specialiter directe fuissent quodque eciam eorum ac viri quilibet prosequi valeat articulum etiam per alium inchoatum quamuis idem inchoans nullo fuerit impedimento canonico prepeditus quodque a dat(a) presentium sit vobis
et ipsis ac vnicuique vestrum et eorum in premissis omnibus et eorum singulis ceptis et non ceptis presentibus et futuris perpetuata potestas et iurisdictio attributa vt eo vigore eaque firmitate vos et ipsi possitis ac quilibet vestrum et eorum
possit in premissis omnibus ceptis et non ceptis presentibus et futuris et pro predictis procedere ac si predicta omnia et singula coram vobis seu ipsis cepta fuissent et Iurisdictio eorum ac vestra et cuiuslibet vestrum in premissis omnibus
et singulis per Citationem vel modum alium perpetuata legitime extitisset Preterea quia difficile foret huiusmodi presentes litteras ad singula in quibus de eis forsan mentio facienda fuerit loca deferre eadem aucte apostolica decernimus
quod earum Transumpto manu publica et Sigillo alicuius ecclesiastici Prelati munito tanquam prefatis litteris originalibus exhiberentur suis plena fides adhibeatur in iuditio et extra et perinde stetur in omnibus et per omnia ac si dicte
originales littere forent exhibite vel ostense Constitutione predicta super Conseruatoribus et aliis qualibet in contrarium editis non obstantibus presentibus perpetuis futuris temporibus duraturis Dat(um) Rome apud Sanc/
tumpetrum Anno Incarnationis dominice Millesimoquadringentesimoquinquagesimo septimo Id(ibus) Martii Anno Quarto Quod quidem sumptum in eius fine manu alterius sic erat sub hiis verbis subscriptum videlicet
Sumptum ex Regro litterarum apostolicarum Collationatum per me L. Dulcium eiusdem Regri Magistrum et concordat. A tergo vero eiusdem sumpti etiam de alterius manus littera scripta erant hec verba videlicet Ex libro primo mix/
to de diuersis de preben(dis) vacan(tibus) de Conseruatoribus de Curia de Carolinis de exemptionibus de prebendis et de beneficiis vacantibus diuersorum Annorum scilicet .i. ii. iii. iiii. v. vi. vii. viii. domini Nicolai pape Quinti folio
lxxxxix. Quibus omnibus et singulis tanquam rite et legitime factis auctoritatem et decretum dicte Curie atque nostrum duximus interponendum et interposuimus prout interponimus presentium per tenorem In Quorum omnium
et singulorum fidem et testimonium premissorum presentes litteras siue presens publicum Transumpti Instrumentum exinde fieri et per Notarium publicum nostrumque et dicte Curie coram nobis Scribam infrascriptum subscribi et publicari mandauimus
Sigillique dicte Curie causarum Camere apostolice quo in talibus vtimur iussimus et fecimus appensione communiri Dat(um) et actum Rome apud Sanctumpetrum in Palatio causarum apostolice Sub Anno a Natiuitate domini
Millesimoquadringentesimononagesimooctauo Indictione Prima die vero veneris Nona Mensis Februarii Pontificatus Sanctissimi in christo patris et domini nostri domini Alexandri diuina prouidentia pape .Sexti Anno Sexto Presentibus
ibidem discretis viris Magistris Iohanne desiderii et Iacobo Bertrandi clericis Tullen(sibus) dicte Curie causarum Camere apostolice Notariis Scriptoribus testibus ad premissa vocatis specialiter atque Rogatis

Et Ego Lotherius de Tormellis Nouarien(sis) publicus apostolica et imperiali auctoritatibus Curieque Causarum Camere apostolice Notarius. Quia premissis omnibus et singulis dum sic vt premittitur fierent et agerentur vna cum
prenominatis testibus presens interfui eaque sic fieri vidi et audiui. Ideo hoc presens publicum transumpti instrumentum manu alterius me aliis legitime occupato negotiis fideliter scriptum ex notam sumpsi. et in hanc publicam formam redegi signoque
nomine et cognomine meis solitis et consuetis signaui in fidem et testimonium omnium et singulorum premissorum rogatus et requisitus vna cum prefate Curie causarum Camere apostolice sigilli appensione : -