WLADISLAVS Dei gratia Hungarie Boemie Dalmatie Croatie Rame Seruie Gallicie Lodomirie Cumanie Bulgarieq(ue) Rex Marchio Morauie Dux Slesie et Lucem
burgensis ac Marchio Lusatie Notum facimus tenore presentium vniuersis et singulis ad quos littere presentes nostre peruenerint Quod constitutus coram nobis Religio
sus pater Iohannes prepositus primus Monasterij Omnium Sanctorum in preurbio nostro Olomucensi ordinis sancti Augustini Maiestati nostre litteras quasdam
Serenissimi principis domini Georgij Regis Bohemie nec non Marchionis morauie (et)c(etera) predecessoris nostri felicis memorie obtulit humiliter et cum omni reuerentia sup
plicando quatenus regia nostra benignitate et clementia litteras eas gratiose suscipere ac innouare denuo approbareq(ue) et confirmare dignaremur quarum quidem
tenor de uerbo ad uerbum talis erat Georgius dei gratia Boemie Rex Morauie Marchio Lucemburgen(sis) et slesie dux ac Lusatie Marchio Notum facimus tenore presen
tium vniuersis q(uo)d indemnitati ecclesiarum sanctissimarum consulere uolens ut bona illarum temporalia utrumq(ue) distracta non in vsibus prophanis permaneat sed magis
ecclesijs iure debito reddantur qua propter Religioso Andree preposito et canonicis regularibus monasterij beate virginis in Lanskron ordinis sancti Augustini diocesis
Litomysslen(sis) exulibus deuotis nostris dilectis concessimus et tenore presencium concedimus quatenus bona monasterij prefati quibuscumq(ue) personis in quacumq(ue) summa
obligata et impignorata per predecessores nostros possint et valeant redimere et reluere data summa in qua bona eiusdem monasterij cuiuscumq(ue) uel cuiusuis obli
gata sunt quod si qua bona eiusdem monasterij in aut quouismodo no(n) impignorata aut obligata per predecessores nostros a quibuscumq(ue) tenentur et occupantur volu
mus ut absq(ue) quauis repugnantia dicto monasterio restituantur Volentes autem prefatum monasterium in suis iuribus libertatibus et possessionibus illi
batum seruare prefata bona monasterij nulli vniq(ue) homini cuiuscumq(ue) dignitatis status aut preeminencie fuerit obligabimus impignorabimus aut inscribemus
presencium sub appensione nostri regalis sigilli testimonio litterarum Datum olomucz die quarta decima februarij Anno Domini Millesimo quadringentesimo sexa
gesimo Regni nostri Anno secundo Nos igitur attendentes q(uo)d de licencia summi pontificis prefatus Iohannes prepositus nostro consensu accedente monasterij Lanskron
et bonorum eiusdem translatione obtenta industria a deo sibi concessa monasterium iuxta capellam omnium sanctorum edificauit de bonis eiusdem proprijs
et in sancta regulari obseruantia instituit humilibus precibus eius ac rationabilibus petitionibus merito permoti ex potestatis n(ost)re plenitudine hoc ipsum etia(m)
prefato preposito et fratribus gratiose prestamus prefatas litteras in omnibus et singulis earum punctis (et) articulis approbantes confirmantes ac denuo concedentes
ac ratificantes Decernentes ut iuxta earum tenorem prefatus prepositus et fratres omnium sanctorum bona monasterij Lanskron litomysslen(sis) Diocesis data prius
summa in qua obligata sunt libere redimere possint et valeant et libertate ipsorum Alias etiam per litteras nostras ipsis concessa ac etiam per sedem Apostolica(m)
confirmata plene gaudere precipue per annexionem bonorum mobilium et immobilium que in Morauia possederunt uel acquisiuerunt hodieq(ue) tenent pacifice
et possident Nominatimq(ue) Nezamyslicz Diedicz Budiein Kowalowicz Osyczan Tetcicz p(ro)mczyn et quatuor laneos in lasskow cum aliquot hominibus et laneis
in wrbatek et sstitowicz cum Curia in Chwalkow in quarum pacifica possessione sunt atq(ue) fuerunt Volentes ut pro Diuini cultus augmento ac felici incre
mento ex his in sancta ipsorum obseruantia uiuant ad deumq(ue) Maximum et optimum pro nostra ac progenitorum nostrorum salute religiosa vota suscipiant
Q(uo)d si forte q(uo)d absit futurus prepositus salutis sue et nostre gratie immemor ab obseruantia salutari labatur et admonitus non redierit ad eandem extunc ciui
tatis eius presul per visitatorem eum rogat aut rebellem remouere iuxta priuilegium apostolicum procuret Similiter si fratres fecerint uel contra apos
tolica priuilegia alibi subterfugia quesierint aut in vituperium monasterij apostatauerint non modo ad monasterium non reassumi Sed etiam de prouin
cijs nostris repelli debebunt In quorum quidem omnium fidem firmitatemq(ue) perpetuam presentes litteras fieri ac maioris sigilli nostri quo tanquam
hungarie et Boemie Rex vtimur appensione muniri precepimus Datum Bude die Vigesima prima Aprilis Anno domini Millesimo quingentesimo
primo Regnorum autem nostrorum Hungarie Vndecimo Boemie Vero Tricesimo
Ex comissione p(ro)p(ri)a Regis M(aies)t(a)t(is)