BENEDICTVS PP. XIII.
AD FVTVRAM REI MEMORIAM. Militantis Eccl(esi)ae regimini meritis licet imparibus diuina dispositione praesidentes ea quae ex circumspecta Romanorum Pontificum praedecessorum nostrorum prouidentia ad insignium Congregationum Regularium antiquitatis aliaque multiplici
laude in Ecclesia Dei fulgentium fauorem non minus prudenter quam liberaliter emanasse noscuntur ut firma semper atque inuiolata persistant Ap(osto)lici muniminis nostri praesidio cum id a Nobis petitur libenter constabilimus. Dudum siquidem fel(icis) rec(ordationis) Pius PP. V. praedecessor noster Canonicis Regularibus Congr(egation)is Lateranen(sis) Ordinis
S(anc)ti Augustini ubicumque locorum existentes in Processionibus, et alijs actibus publicis uel priuatis statim Clerum Saecularem non exemptum subsequi dum ipsi subsequendo praecedebant, illum immediate sequi debere declarauit et alias, prout uberius continetur in eiusdem Pij praedecessoris literis de
super sub Plumbo expeditis, tenoris, qui sequitur uidelicet = Pius Episcopus seruus seruorum Dei. Ad perpetuam rei memoriam. Cum ex Ordinum uniuersitate qui in Dei Ecclesia reperiuntur, illa Castrorum aciei comparetur, illius autem gubernium Romano Pontifici Beati Petri ueri successori sit demandatum, mirum nemini uideri debet,
si ille cura sibi diuinitus commissa inuigilans euilibet, quod suum est benigne concedendo, et quae clara etiam sui ipsorum natura sunt, ne in recidiua contentionis scrupulum relabantur, opportuna declarationis, ac nouae concessionis remedio consolidat, ut quibusuis sublatis obstaculis, quilibet pacis amanitate frui libere possit, ac scandalorum
occasio penitus tollatur. Cum itaque sicut accepimus, dilecti filij uniuersi Canonici Regulares Ordinis Sancti Augustini Congregationis Lateranen(sis) qui ab Apostolis originem traxerunt, quique ab eodem Sancto Augustino eorum Reformatore iterum per reformationis uiam mundo geniti meriti praetendere possunt se omnes
alias personas Eccl(esiasti)cas tam Saeculares quam Regulares in Processionibus et alijs actibus publicis praecedere debere; Cum tanten non liceat membra a capite separare, sed tamen eis locum debitum assignare, ipsorumque indemnitati, ac sine Populi scandalo in publicum prodire, exemplisque potius caeteris Christifidelibus esse
possint, consulere uolentes, ac omnium, et singularum litium quae forsan super praemissis exorta sint, aut exoriri quoquo modo possint status et merita, nominaque et cognomina Iudicum et collitigantium praesentibus pro expressis habentes. Motu proprio non ad dictorum Canonicorum, uel alicuius alterius pro eis super
hoc Nobis oblatae petitionis instantiam sed ex certa scientia nostra et de Ap(osto)licae potestatis plenitudine omnes et singulos Canonicos praedictos ubicumque locorum existentes quos deinceps Processionibus et alijs actibus publicis uel priuatis interesse contigerit statim ipsum Clerum Saecularem non exemptum subsequi dum ipsi
subsequendo praecedunt dum uero praecedendo praecedunt illum immediate sequi debere auct(oritat)e Ap(osto)lica p(rae)sentes declaramus ac insuper in omnibus locis in quibus talis uiget consuetudo, in Processionibus ut dicti Cl(eri)ci non exempti, praecipue quando Canonici alicuius Eccl(esi)ae Cathedralis paramenta Eccl(esiasti)ca induunt, ut
cultus Diuinus magis uigeat, ac ut s(anctissi)mum Corpus Christi, seu alia Reliquiae quae processionaliter deferuntur decentius, et honorificentius associentur, aut quando hoc ipsius Ordinarij mandato continget, ipsi Canonici similiter ac illi Pluuialia, Planetas, Tunicellas et alia paramenta super eorum clericale habitu deferre, necnon
pro Cruce associanda quacumque luminaria deferre libere et licite possint statuimus, et ordinamus. Districtius inhibentes quibusuis locorum Ordinarijs, etiamsi Patriarchali, Prouinciali, Archiep(iscop)ali, aut alia dignitate praefulgeant sub excommunicationis Maioris et indignationis nostrae poena, ne eosdem Canonicos
seu aliquem eorum molestare, aut praemissa quouis modo declarare uel interpretari audeant. Decernentes praesentes literas nullis unquam tempore de subreptionis uel obreptionis uitio, aut intentionis nostrae uel quopiam alio defectu, etiam ex eo quod locorum Ordinarij, aut alij forsan interesse habentes uocati non fuerint
aut nullitate notari impugnari inualidari, aut ad terminos Iuris reduci, in Ius uel controuersiam uocari, causamque uel causas quare praemissa a Nobis emanauerint uerificandum nullatenus teneri, nec ob id uiribus carere, minusque sub quibusuis similium, uel dissimilium gratiarum reuocationibus, suspensionibus, limi=
tationibus, aut alijs contrarijs dispositionibus comprehendi, sed semper ab illis exceptas et quoties illae emanabunt, toties in pristinum statum restitutas repositas ac plenarie reintegratas, etiam sub data per ipsos Canonicos eligenda esse. Sicque ab omnibus censeri et ita per quoscumque Iudices, et Commissarios, etiam Causarum Palatij
Ap(osto)lici Auditores ac S. R. E. Cardinales, et ipsos met Ordinarios, sublata eis, et eorum cuilibet quauis aliter iudicandi et interpretandi facultate, et auct(oritat)e iudicari, et definiri debere, irritum quoque et inane, si secus super his a quocumque quauis auct(oritat)e scienter, uel ignoranter contigerit attentari. Quocirca dilectis filijs dictae
Congregationis Praesidenti seu eius Vicepraesidenti ac duorum aut trium locorum Abbatibus generali Auditori ac Vicarijs illorum praesidentibus per Apostolica scripta motu simili mandamus quatenus ipsi uel duo aut unus eorum per se, uel alium, seu alios praesentes literas, et in eis contenta
quaecumque ubi et quando opus fuerit ac quoties pro parte Canonicorum praedictorum uel alicuius eorum fuerint requisiti solemniter publicantes illisque in praemissis, efficacis defensionis praesidio assistentes, faciant auct(oritat)e nostra eosdem Canonicos, illorumque singulos praemissis omnibus, et singulis iuxta p(raese)ntium continen=
tiam, et tenorem pacifice frui et gaudere non permittentes eos seu eorum aliquem desuper per quoscumque indebite molestari perturbari, et inquietari contradictores quoslibet, et rebelles, ac praemissis non parentes per censuras et poenas Eccl(esiasti)cas aliaque opp(ortu)na Iuris remedia, appellatione postposita compescendo, necnon
legitimis super his habendis seruatis processibus, illos censuras et poenas ipsas incurrisse declarando, necnon eas etiam iteratis uicibus aggrauando, inuocato etiam ad hoc si opus fuerit, auxilio Brachij Saecularis. Non obstan(tibus) fel(icis) rec(ordationis) Bonifacij PP. VIII. Praedecessoris nostri etiam qua cauetur, ne quis extra Ci=
uitatem, uel Dioecesim, nisi in certis exceptis casibus, et illis ultra unam dietam a fine suae Dioecesis ad Iudicium euocetur seu ne Iudices a Sede Ap(osto)lica deputati extra Ciuitatem uel Dioecesim in quibus deputati fuerint contra quoscumque procedere, aut alij uel alijs uices suas committere praesumant ac de duabus
dietis in Concilio generali edita, dummodo ultra tres Dietas quis uigore p(raese)ntium ad Iudicium non trahatur ac alijs Ap(osto)licis in Prouincialibus, et Synodalibus concilijs editis specialiter uel generaliter Constitutionibus et Ordinationibus ac etiam iuramento confirmatione Ap(osto)lica uel quauis firmitate alia ro=
boratis statutis et consuetudinibus etiam immemorabilibus priuilegijs quoque, indultis, et literis Ap(osto)licis quibusuis Eccl(esi)ijs, Congregationibus, Capit(u)lis, Collegijs, Monasterijs et alijs locis, eorumque superioribus et personis sub quibuscumque tenoribus, et formis, ac cum quibusuis clausulis, etiam derogatori=
arum derogatorijs irritantibusque et alijs decretis motu, scientia et potestate similibus, etiam Consistorialiter concessis, approbatis et innouatis. Quibus omnibus, etiamsi de illis eorumque totis tenoribus specialis, specifica, et expressa mentio, seu quauis alia expressio habenda, aut alia aliqua exquisita forma ad
hoc seruanda foret tenores huiusmodi ac si de uerbo ad uerbum, nihil penitus omisso, et forma in illis tradita obseruata inserti forent, eisdem p(raese)ntibus pro sufficienter expressis habentes, illis alias in suo robore permansuris, hac uice dumtaxat specialiter et expresse derogamus contrarijs quibuscumque aut si
aliquibus communiter uel diuisim ab Ap(osto)lica sit Sede indultum, quod interdici, suspendi uel excommunicari non possint per literas Ap(osto)licas non facientes plenam, et expressam, ac de uerbo ad uerbum de indulto huiusmodi mentionem. Nulli ergo omnino hominum liceat hanc paginam nostrae declarati=
onis, statuti, Ordinationis, inhibitionis, decreti, mandati, et derogationis infringere uel ei ausu temerario contraire, si quis autem hoc attentare praesumpserit, indignationem Omnipotentis Dei ac Beatorum Petri, et Pauli Ap(osto)lorum eius se nouerit incursurum. Datum Romae apud Sanctum Petrum
anno Incarnationis Dominicae Millesimo quingentesimo septuagesimo decimo Kalendas Ianuarij Pontificatus nostri anno quinto = Cum autem, sicut dilectus filius Alexander Maximilianus Krbosch Canonicus Regularis expresse professus, ac Praepositus Conuentus Omnium Sanctorum Ciuitatis Olomucen(sis) eius=
dem Congregationis Lateranen(sis) Nobis nuper exponi fecit, licet praefatae Pij praedecessoris literae in uiridi sint obseruantia, nihilominus ipse Alexander Maximilianus illas quo firmius subsistant Apostolicae confirmationis nostrae praesidio communiri summopere desideret. Nos specialem eidem Alexandro Maximi=
liano gratiam facere uolentes, eumque a quibusuis excommunicationis suspensionis et interdicti alijsque Eccl(esiasti)cis sententijs, censuris et poenis a Iure, uel ab homine quauis occasione, uel causa latis si quibus quomodol(ibe)t innodatus existit ad eff(ectu)m p(raese)ntium dumtaxat consequen(dum) harum serie absoluentes et absolutum fore
censentes, supplicationibus eius nomine Nobis super hoc humiliter porrectis inclinati, praeinsertas Pij praedecessoris literas cum omnibus et singulis in eis contentis auctoritate Apostolica tenore p(raese)ntium confirmamus et approbamus, ac inuiolatae illisque Ap(osto)licae firmitatis robur adijcimus. Decernentes easdem
praesentes literas semper firmas ualidas, et efficaces existere et fore, suosque plenarios et integros effectus sortiri et obtinere, ac illis ad quos spectat et pro tempore quandocumque spectabit in omnibus, et per omnia plenissime suffragari et ab eis respectiue inuiolabiliter, et inconcusse obseruari. Sicque in praemis=
sis per quoscumque Iudices Ordinarios et delegatos etiam Causarum Palatij Ap(osto)lici Auditores iudicari et definiri debere ac irritum et inane, si secus super his a quoquam quauis auct(oritat)e scienter uel ignoranter contigerit attentari. Non obstan(tibus) Constitutionibus, et Ordinationibus Ap(osto)licis, necnon omnibus, et singulis
illis, quae in praeinsertis Pij praedecessoris literis concessa sunt non obstare, caeterisque contrarijs quibuscumque. Datum Romae apud S(an)ctum Petrum sub Annulo Piscatoris die XXVI. Aprilis MDCCXXVIII. Pontus(ificatus) N(ost)ri Anno Quarto.