In nomine domini amen Anno a Nativitate eiusdem Millesimo quadringentesimo nonagesimo primo
Indictione nona pontificatus Sanctissimi In cristo patris et domini Nostri domini Jnnocencij divina providencia pape octavi Anno septimo
die vero Jovis tercia mensis Marcij hora Meridiei vel quasi In mei Notarij publici testiumque infrascriptorum ad hoc specialiter vocatorum
et rogatorum presencia Personaliter Constituti venerabiles Religiosique patres domini Martinus custos et coadministrator Ecclesie vacantis
et Nicolaus Cantor Ecclesie Luthomislensis vice ac nomine venerabilis patris domini Elie prioris Administratorisque ac Capituli
eiusdem Ecclesie Luthomislensis ad infrascripta plenam expressam commissionem et potatem habentes prout in literis ipsius capitu
quas in medium exhibuerunt et produxerunt planius constabat Confessi fuerunt publice et in veritate recognoverunt se de
speciali commissione et mandato prefati administratoris et capituli Luthomislensis recepisse habuisse et ipsos tradita fuisse quo
super nomine a Religiosis viris dominis Mathia procuratore Thoma Seniore et Thoma Juniore fratribus Monasterij
Lanskronensis ordinis canonicorum Regularium dicte Luthomislensis diocesis Insulam ad ipsam Ecclesiam Luthomislensem spectantem
sanam integram nec ex aliqua sui parte lesam sed per omnia salvam et omni suspicione expertem quamquidem Insulam
olim Reverendus pater et dominus dominus prothasius pie recordacionis Episcopus olomucensis apud predictos fratres Lanskronenses reposuit de
quaquidem Insula tradita recepta et ut prefertur effectiue habita Antedicti Religiosi domini Martinus custos et Nicolaus cantor
Ecclesie memorate nomine Capituli eiusdem Ecclesie Luthomislensis prefatos dominos Mathiam priorem Thomam Seniorem et Tho
mam Juniorem fratres necnon Conventum ac ipsorum successores supradicti Lanskronensis Monasterij quittarunt liberarunt pariter
et absolverunt Expresse sponte et quittacionem ac pactum perpetuum de vlterius eam Insulam non petendo fecerunt Jta quod huiusmodi
quittatio eisdem fratribus et conventui Lanskronensi sit generalis generalissima specialis specialissima ac in ea vissime intel
ligantur ea omnia et singula que de Jure in ea exprimenda fuissent ac si de ipsis actis et singulis de verbo ad verbum in ipsa quitta
tione specialis et expressa mencio facta foret Promittentes eciam sepedicti Religiosi domini Martinus custos et Nicolaus Cantor
mihi Notario publico infrascripto ut et tanquam publice et autentice persone bona fide solenniter stipulanti et recipienti vice
et nomine prenomorati capituli Luthomislensis omniumque et singulorum quorum interest nullo unquam tempore super huiusmodi Insula prefatos
Religiosos dominos Mathiam Thomam Seniore et Thomam Juniore fratres et Conventum Monasterij Lanskronensis prefati
ac eorundem successores Jmpetere vexare vel molestare nec per alium vel alios quovisquesito colore molestari facere in iudicio nec extra
Sub ypothecha et obligatione omnium bonorum sepedicti capituli presencium et futurorum et qualibet alia iuris et facti renunciacione ad hec
necessaria pariter et cautela Et si deinceps quod absit super predicta Insula vel eius racione carta vel scriptura siue instrumenta
aliqua quoad petendum vel exigendum eandem apparuerint debent et debebunt irrita cassa et nullius esse momenti nec alicuius hec
roboris firmitate Super quibus omnibus et singulis premissis prelibati Religiosi domini fratres Lanskronenses pecierunt et requisierunt sibi a me
Notario publico infrascripto unum duo vel plura publicum seu publica fieri et tradi instrumenta Acta fuerunt hec In domo habitacionis predictorum
Religiosorum fratrum Lanskronensium et ibidem in estuario inferiori presentibus ibidem Honorabilibus dominis Martino plebano et Stephano Ca
pellano Ecclesie prochialis Banovi patrie in partibus slauonie testibus fidedignis ad premissa vocatis pariter et rogatis
Ego Gregorius Nosticz de lewenbergk clericus wratislauiensis diocesis Publicus Jmperiali
Auctoritate Notarius Quia predicte Confessioni recognicioni literarum commissionis et mandati
capituli Luthomislensis exhibicioni et productioni Quittacioni liberacioni absolucioni necnon
promissioni et obligacioni Subque alijs et singulis premissis dum sic agerentur et fierent vna
cum prenominatis testibus presens interfui Eaque sic fieri vidi et audiui Jdeo hoc presens publicum instrumentum
manu mea propria Exinde confeci subscripsi publicaui et in hanc formam publicam redegi
Signoque et nomine meis solitis et consuetis vnacum Sigilli officialatus Curie Episcopi Lutho
mislensis per supradictos duos Martinum et Nicolaum nomine Capituli Luthomislensis Ecclesie
in manibus presentis voluminis exhibiti appensione communiui Rogatus et requisitus In fidem
et testimonium omnium et singulorum premissorum