CLEMEN
Universis xp(ist)ifidelibus p(rese)ntes L(itte)ras inspecturis salutem et Ap(osto)licam Ben(edictionem). Ad augen(dam) fidelium religionem, et animarum salutem Coelestibus Ecclesi(a)e thesauris pia charitate intenti, Omnibus utriusque sexus xp(ist)i
fidelibus vere poenitentibus, confessis, ac Sacra Comm(union)e refectis, qui Ecclesiam seu Capellam S(ancti) Josephi Canonicorum Regularium ordinis S(ancti) Augustini Congregationis Lateranen(sis) Civitatis Olomucen(sis),
Die festo eiusdem S(an)cti Josephi a primis vesperis usque ad occasum Solis diei huius singulis annis devote visitaverint, et ibi pro xp(ist)ianorum Principum concordia, h(a)eresum extirpatione, ac S(anct)ae Matris Ecclesi(a)e
exaltatione pias ad Deum preces effuderint, Plenariam omnium peccatorum suorum indulgentiam, et remissionem misericorditer in D(omi)no concedimus. Iis vero qui litanijs Beat(a)e Mari(a)e Virginis
in dicta Ecclesia singulis ferijs quartis, singulisque eiusdem Beat(a)e Mari(a)e Virginis Immaculat(a)e festis diebus decantari seu recitari devote interfuerint, et ibi, ut supra, oraverint, quoties id
egerint, centum dies de iniunctis eis, seu alias quomodolibet debitis poenitentijs in forma Ecclesi(a)e consueta relaxamus. P(rese)ntibus ad septennium t(antu)m valituris. Volumus autem ut si dictis xp(ist)i
fidelibus in quocumque alio anni die Litanijs huius(mod)i interessentibus, aliqua alia indulgentia similis perpetuo, vel ad tempus nondum elapsum duratura concessa fuerit, vel si pro impetratione, expeditione,
admissione, seu publicatione p(rese)ntium aliquid vel minimum detur, aut sponte oblatum recipiatur, p(rese)ntes null(a)e sint. Datum Rom(a)e apud S(anctam) Mariam Maiorem Sub Annulo Piscatoris
Die Prima Octobris MDCCiij Pontificatus Nostri Anno Tertio
Gratis pro Deo et S(anct)a Sede
J(ohannes) Oliverius