CLEMENS PP(APA) XII.
AD FVTVRAM REI MEMORIAM. O(mn)ium Saluti paterna charitate intenti, loca interdum sp(irit)ualibus Indulgent(iarum) muneribus
decoramus, ut inde fidelium def(unc)tor(um) animæ D(omi)ni N(ost)ri Iesu X(rist)i, eiusque S(anctorum) suffragia meritor(um) consequi, et illis adiutæ ex Purgatorij pœnis ad æternam salutem per
Dei m(isericordi)am perductæ valeant. Volentes ig(itu)r Ecclesiam Omnium Sanctorum Canonicorum Regularium Cong(regatio)nis Lateranensis Civit(atis) Olomucen(sis), in qua aliud Altare privilegiatum
non reperitur concessum, et in ea sit(um) Altare Cappellæ D(omi)ni N(ost)ri Iesu X(rist)i patientis hoc sp(eci)ali dono illustrare, dummodo in d(ic)ta Ecclesia quinque Missæ quotidie celebrentur
de O(mn)ipotentis Dei m(isericordi)a, ac B(eatorum) Petri et Pauli Ap(osto)lor(um) eius auct(oritat)e confisi, ut quandocumque Sacerdos aliquis S(æcu)laris, vel Regularis Missam def(unc)tor(um) in die Com(memoration)is
def(unc)tor(um), et sing(u)lis diebus intra illius Octavam, ac in una feria cuiusl(ibe)t hebdomadæ per Ordinarium designand(a) pro anima cuiuscumque X(rist)i fidelis, quæ Deo in charitate
coniuncta ab hac Luce migraverit, ad p(ræfa)tum Altare celebrabit, anima ipsa de thesauro Ecclesiæ per modum suffragij Indulgentiam consequatur. Itaut eiusd(em) D(omi)ni N(ost)ri Iesu
X(rist)i, ac B(eatæ) V(irginis) M(ariæ), S(anctorum)que o(mn)ium meritis sibi suffragantibus a Purgatorij pœnis liberetur, concedimus et indulgemus. In contrarium facien(tibus) non obstan(tibus) quibuscumque. Præsentibus
ad Septennium t(antu)m valituris. Dat(um) Romæ apud S(anctam) Mariam Maiorem sub Annulo Piscatoris die XV. Augusti MDCCXXXVII. Pont(ificat)us N(ost)ri Anno Octavo
Gratis pro Deo et S(ancta) Sede
~Card(inalis)~ ~Passioneus~