Nos Reverendissimi et Serenissimi Principis Domini Domini Leopoldi Guilielmi Archi
ducis Austriae, tanquam Episcopi Olomucensis Generalis Vicarius et Officialis Gaspar Karas a Rhombstain, Cathedralis Ecclesiae Praepositus, &c. Assessores et
Consistorium Episcopalis Olomucensis.
Dilectis Nobis in Christo Reverendissimis, Admodum Reverendis, Reverendis, Honorabilibus, Religiosis, Illustribus, Illustribus, Nobilibus, Generosis, Clarissimis, Spectabilibus, et Honestis
Rectori, Assessoribus, seu Consultoribus, nec non omnibus Fratribus et Sororibus Congregationis Sancti Eliae Sacri Scapularis Beatae Virginis Mariae de Monte Carmelo
in Ecclesia Omnium Sanctorum Olomucii in Praurbio instituta et erecta. Salutem in Domino Sempiternam.
Quia Episcopalis Sedes eorum petitiones et ingeminata suspiria facilius exaudit, quorum pia intentio, profectum Animarum, et devotionis incrementa operatur. Nos
eiusdem Episcopalis Sedis constitutus Generalis Vicarius et Officialis a Te Rectore et tota Confraternitate Sancti Eliae Sacri Scapularis Beatae Virginis Mariae de Monte Carmelo in Ecclesia
Omnium Sanctorum in Praurbio Olomucensi, cum scitu et consensu eorum quorum intererat erecta, ut et illam ipsam, et laudabilia statuta ipsius, Auctoritate Nobis hac
in parte delegata confirmaremus rogati, tanto promptius precibus vestris adstipulamur, quanto certius hanc ipsam Sodalitatem ad promovendum Cultum Divi
num, lucrandasque Fidelium Animas institutam esse percipimus. Ut igitur Confraternitatem Vestram et Statuta eiusdem modo debito approbemus, ratificemus et confir
memus, nec non omnes et singulos Sodalitatis Fratres et Sorores in Protectionem Episcopalem Auctoritate Nobis delegata amantius recipiamus; Imprimis ad eorum dun
taxat effectum, Te Rectorem, Officiales, omnes et singulos fratres ac Sorores commemoratae Confraternitatis in Domino hortamur, quo frequenter et sedulo Sancto hoc in
stituto insistant, et devotionis igniculos in cordibus fidelium ardentius excitent atque fructus uberes faciant. Deinde hanc ipsam praenominatam in Ecclesia Omnium Sanc
torum Olomucii erectam et institutam Sancti Eliae Sacri Scapularis Beatae Virginis Mariae de Monte Carmelo Confraternitatem Vestram, ac omnia et singula Statuta eius, praefata Auctoritate
Nobis concessa tenore praesentium approbamus, ratificamus, confirmamus, eamque una cum statutis, a nullo carpendam, offendendam et violandam esse omni meliori modo, via, iure
et forma decernimus, imo ipsam totam, et singulas personas eiusdem in protectionem Sedis Episcopalis, et in specialem Tutelam Consistorii Olomucensis recipimus, et in vinculis chari
tatis Christi amplectimur, ac ambabus ulnis excipimus. Data Olomucii ex Consistorio Nostro die Decima octava Martii Anno M. DC. XXXXI.
Gaspar Karas a Rhombstain
Catharina Tengelica Auctoritate Apostolica et Imperiali
ac Consistorialis Olomucensis Publica Notaria scripsit