CAROLUS DEI GRATIA EPISCOPUS OLO
MUCENSIS, DUX, S. R. I. PRINCEPS, REGIAE CAPELLAE BOHEMI
AE, ET DE LICHTENSTEIN COMES.
Universis, et Singulis quorum interest Salutem in Domino Sempiternam.
Vacante per obitum Adm(odum) R(everen)di Augustini Georgij Karasseck Præpositurâ Monasterij ad OO(mnes) SS(anctos) Olomucij Ordinis Canonicorum Re
gularium S(ancti) Augustini, cujus Visitatio ad Nos tanquam Ordinarium, et Visitatorem pertinere dignoscitur, Adm(odum) Reverendi, Venerabiles, et Religiosi prædicti Ordinis in hoc Marchionatu Moraviæ Præpositi
cum suis fratribus, nec non Ejusdem Cœnobij Professi, cupientes Eidem Monasterio Vacanti de alio Præposito providere, ne diuturniore ejus vacatione Monasterium ipsum damna aliqua, et jacturas pateretur,
juxta Ordinis sui statuta post præfixum à Nobis tanquam Ordinario Electioni diem ad præfatum solemnem actum in præsentia Commissariorum nostrorum Rev(erendissi)mi et Ill(ustrissi)mi D(omi)ni Joannis Josephi Comitis Breuner
Episcopi Nicopolitani, Suffraganei, Scholastici, et in spiritualibus Generalis Vicarij, et Officialis nostri, ac Doctissimi Joannis Bernardi Thayer J. V. Doctoris Consiliarij, et Consistorij nostri Assessoris, et Notarij, per Nos
specialiter ad præsidendum Eidem actui deputatorum per formam Scrutinij processerunt, et tandem pluribus, ac sanioribus votis Venerabilem, et Religiosum fratrem Ambrosium Augustinum Engelmann Ejusdem Or
dinis, et Monasterij professum (prout ex instrumento Electionis Nobis exhibito latius patet) concorditer elegerunt, Eumq(ue) Electum Nobis, uti loci Ordinario, et Visitatori una cum Electionis processu per literas sub
missè præsentaverunt, demissè orantes, ut illum tanquam legitimè ab omnibus Jus eligendi habentibus Electum ad præfatam Præposituram Omnium Sanctorum instituere, investire, ac confirmare benignè dignaremur.
Nos itaq(ue) Electionis dictæ processu inspecto, et post accuratam discussionem animadverso, prædictos fratres conscientiosè, et legitimè in actu Eo processisse, nihilq(ue) præfuturo Ejusdem Monasterij Bono Canonicè obstare, quo minus Electa
Persona supra nominata confirmari per Nos possit, ac debeat, æquis, ac honestis prædictorum Conventus Olomucensis fratrum petitionibus benignè inclinati tanto promptius ad confirmationem Electi præstandam ferimur, quanto certiorem
in spem venimus, illum non solum vocationis suæ Regulari congruâ vitæ sanctitate pro subjectorum exemplo, et ædificatione abundè responsurum, verum etiam rem familiarem, Bonaq(ue) temporalia prædicti Monasterij fideliter, ac diligenter
prout Bonum Dispensatorem decet, administraturum, ac curaturum esse, quemadmodum præmissorum intuitu, præsentium tenore plenam jus administrandi, plenèq(ue) tam in spiritualibus, quam temporalibus regendi prædictum Monasterium
ut bona ipsius Universa (præcepta prius ab illo fidei Catholicæ professione, et Corporali juramento supra Sancta DEI Evangelia juxta infra scriptam formulam) Eidem concedentes, in Præpositum supra dicti Monasterij ad Omnes
Sanctos in D(omi)no ter Optimi Maximi nomine, authoritate n(ost)ra Ordinaria, et tanquam Visitator Eundem Electum instituimus, investimus, ac confirmamus, utq(ue) illi non secus ac vero Præposito à fratribus Monasterij præfati omnibusq(ue) Subditis
debita reverentia, obedientia, ac subjectio præstetur volumus, et seriò injungimus, Committentes Adm(odum) R(everen)do in X(pist)o Nobis dilecto Joanni Adamo Jager à Reut(en) Stanburgensi Præposito ut præfatum Ambrosium Augustinum Engel
mann à Nobis legitimè confirmatum in realem, actualem, et Corporalem dictæ Præposituræ ad OO(mnes) SS(anctos) Olomucij possessionem inducat, faciatq(ue) illi de fructibus, et Proventibus Ejusdem Universis, locis, et temporibus opportunis respon
deri. Forma verò Juramenti sequitur, et est talis; Ego Ambrosius Augustinus Engelmann electus Præpositus Monasterij ad OO(mnes) SS(anctos) Olomucij Vobis Rev(erendissimo) et Cels(issimo) Principi, ac Domino, Domino Carolo Episcopo
Olomucensi, Duci, S. R. I. Principi, Regiæ Capellæ Bohemiæ, et de Lichtenstein Comiti &c. et vestris Successoribus Canonicè intrantibus veram ac debitam obedientiam, et reverentiam sanctè spondeo, promittens Regulam, ac statuta
Ordinis mei pro posse meo quàm diligentissimè semper me observaturum, non ero in Consilio, vel facto contra vestram Personam, neq(ue) Ecclesiam Olomucensem, et Consilia, quæ Vobis, et Eidem Ecclesiæ contraria fideliter Vobis re
velabo, consilium vestrum nemini pandam, auxilium Vobis contra qualemcunq(ue) hominem quiopiam tentantem contra Vos, Ecclesiamq(ue) Vobis commissam (salvo ordine meo, in iis quæ ad justam ipsius defensionem spectant) præ
stabo, et exhibebo, Villas, et possessiones Monasterij mei non vendam, non oppignorabo, non distrahem, nec alio, quovis titulo alienabo, nisi in Casibus à jure permissis, et necessis, debito tamen in Canonibus præscripto modo, quin
potius neglecta instaurare, et alienata pro virili recuperare adnitar, & studebo. Sic me DEUS adjuvet, et hæc Sancta Ejus Evangelia. In quorum omnium supra dictorum fidem, & robur hasce manu nostra sub
scriptas Sigillo nostro majori communiri jussimus. Dat(um) in Civitate nostra Cremsiriensi decima nona Julij Anno Incarnatæ Salutis millesimo sexcentesimo octuagesimo quinto.
Carolus Ep(iscopus)