In nomine domini Amen Anno Natiuitatis eiusdem Millesimo Quadringentesimo decimo Nono Jndicioni duodecima die Jouis
vicesimatertia mensis Marcij hora vesperorum uel quasi pontificatus Sanctissimi in christo patris et domini domini Martini diuina prouidencia
pape quinti Anno secundo in Opido Gedink alias hodonyn Olomucensis diocesis In domo pretorij vici petri opidani dicti opidi In
mei Notarij publici Infrascripti testiumque presencium subscriptorum ad hoc vocatorum et specialiter Rogatorum presenciis constitutus personaliter honorabilis et Religiosus
vir dominus Johannes prior Monasterij Sancti Thome extra muros Ciuitatis Brunensis ordinis heremitarum Sancti Augustini
suum suo et Conuentus ac Monasterij sui nomine ex vna Et Judex petrus dictus Stibor henricus dictus wewar hanus guldarij pe
les et Scabini totaque vniuersitas opidi Gedink alias hodonyn layci olomucensis diocesis ex parte altera Coram Serenissimo et inuictissimo
principe domino domino Sigismundo dei gracia Romanorum Rege semper Augusto et vngarie Rege etcetera orta dudum inter eosdem ex vna et ex altera partibus
inter prefatos dominos priorem et Conuentum ac Monasterium Sancti Thome Consules et Scabinos ac vniuersitatem dicti opidi lite et materia que
stionis de et super quibusdam spolijs captiuacionibus molestacionibus impedimentis perturbacionibus detencionibus violencijs rapinis spoliacionibus diuersis peticionibus
dampnis et Iniurijs ipsis dominis priori et Conuentui Monasterij Sancti Thome predicti in villa Spandicz eorum memoratis suis sibi ex
partibus eorum adinuicem diuersis pretendentibus productis prout huiusmodi querimoniarum et parcium peticiones plene pro tunc patebant suis priuilegijs et munimentis
ipsis die qua supra hora causarum matutinarum seu Castro Gedink alias hodonyn predicto Coram prefato Serenissimo principe domino
Sigismundo tunc domino ipsorum laycorum temporali literas autenticas et Sigillatas originaliter exhibuit et produxit ac de uerbo ad uerbum diligenter
visis auditis et perlectis Coram dicto domino Rege ut premittitur demum Nobilis et Strenuus vir dominus wilhelmus de pussteyn Baro Cre
czenstouiensis Morauie et Camerarius Olomucensis die hora et loco suprascriptis conuocatis dictis partibus huiusmodi quandam literam in
papiro scriptam sanam et integram non viciatam non cancellatam nec in aliqua sui parte suspectam sed omni prorsus vicio et suspicione
sinistra carentem Sigillo ipsius dicti domini Sigismundi Regis Romanorum semper Augusti et vngarie Regis etcetera magno rotundo de cera rubea
ad tergum impressio sigillatam In quo quidem sigillo et in medio ipsius quedam auis ad modum aquile alas ipsius ad volandum protensas appare
bat hec vero circumfrenciales eiusdem Sigilli capitales erant litere Sigillum Sigismundi dei gracia Romanorum Regis semper Augusti et vn
garie Regis facto verbi in prima dacione ipsam exhibuit et ostendit vigore cuius et Auctoritate lite et mandato cuius prefatus dominus wilhelmus
Baro ut prefertur diligenter ex visis Auditis et perlectis Juribus per prefatas et inter dictas partes facto et realiter uiso et scito per ipsum Auctoritate Regia
prefata et dominij sui temporalis de assensu parcium predictarum pronunciauit et declarauit quod dicti Judex et Scabini tota que vniuersitas opidi
Gedink alias in hodonyn layci ipsi nec per alios seu per interpositam personam uel personas amplius a in posterum quouis uerbo facto seu quouis
cuiusuis alio modo contra prefatos dominos priorem et Conuentum ac Monasterium Sancti Thome supradicti eorum laycos censores et incolas in villa
Spandicz ausu temerario attemptarent seu attemptare presumerent quoquomodo uel in aliquo impedire perturbare seu molestare prefatos laycos
et censores ville Spandicz ut amplius diuersis in suis peticionibus sed in pace et quiete perpetuo de cetero remanere sub pena sedis apostolice et pena
in literis Syngraphis super ipsis bonis in Spandicz exstructis desuper prius et edomitis appositis et insertis et retentis dolo et fraude omnibus premissis
saluis hijs prefatis opidanis de rebus ablatis et restitutis et satisfactis ipsis ac priori et Conuentui ipsorum ex causis et excessibus prefatis Super
quibus omnibus et singulis prefatus dominus Johannes prior pro se et Conuentu suo ac Monasterij sui nomine omnium premissorum petijt a me
notario Infrascripto sibi fieri et confici vnum uel plura publicum seu publica Instrumenta Acta sunt hec Anno Jndicione die
mense hora loco et pontificatu quibus supra presentibus ibidem et singulis sub et testimonio premissorum dictus dominus wilhelmus de pussteyn
Sigillum suum duxit apponendum presentibus ibidem Nobilibus honorabilibus ac famosis viris dominis Symmuno dubrawka de
Brunna aparco doctore in Jure layco Cze Czenney Johanne purkrauio Monasterij prefati Johanne lystka de apugynow et alijs multis
testibus ad premissa fidedignis et vocatis
Et ego Wenceslaus natus Wanczconis de Trzebon pragensis diocesis publicus Imperiali aucto
ritate notarius quia premissis omnibus et singulis dum sic ut premittitur agerentur et fierent vna cum pre
notatis testibus presens interfui eaque omnia et singula sic fieri vidi et audiui ideoque hoc presens
publicum Instrumentum manu alterius fideliter scriptum exinde confeci et in hanc publicam formam
redegi signoque et nomine meis solitis et consuetis signaui in fidem et testimonium omnium et singulorum
premissorum Rogatus et requisitus