Stanislaus dei et Apostolice Sedis gratia Episcopus Olomucen(sis) Vniuersis et singulis Venerabilib(us) et Religiosis viris d(omi)nis Monasterioru(m) Abbatib(us) p(re)positis priorib(us) necno(n)
Ecclesiarum Cathedralis et Collegiataru(m) p(re)positis Decanis Archidiaconis plebanis viceplebanis seu eorundem locatenentib(us) vniuersisq(ue) Christifidelibus per et infra Ciuitatem
et dioces(im) n(ost)ram Olom(ucensem) vbilibet constitutis ad quos p(rese)ntia peruenerint Salutem in d(omi)no et gratie diuine augmentu(m) l(itte)ras indulgenciaru(m) siue bulla(m) ap(osto)licam quond(am) S(anc)tissimi
in Christo p(at)ris et domini d(omi)ni Bonifatij felicis memorie pape noni plumbeam more Romane Curie pendentem bullat(am) sanas et integras non rasas non viciatas non cancel
latas neq(ue) in aliqua sui parte suspectas sed omni prorsus vicio et suspitione carentes Nobis per Venerabilem ac Religiosum p(at)rem Nicolaum Erhardet priorem prouin
cialem districtus Bauarie Austrie Morauie et(c) Ordinis Sancti Augustini heremitaru(m) prioremq(ue) Monasterij Sancti Thome eiusdem Ordinis extra muros Opidi
Brunnen(sis) prefate n(ost)re Olom(ucensis) dioces(is) sanati coram transsumpto earund(em) quondam domini Joannis Ep(iscop)i Olom(ucensis) bone memorie predecessoris n(ost)ri sigillo appenso roborato oblatas
Vidimus et diligenter recensuimus Quarum l(itte)rarum Apostolicarum tenor sequitur per omnia in hec verba Bonifatius Episcopus seruus seruorum dei Vniuersis Christifidelib(us) p(rese)ntes l(itte)ras inspe
cturis Salutem et ap(osto)licam benedictionem Licet is de cuius munere venit vt sibi a suis fidelibus digne et laudabiliter seruiatur de habundancia sue pietatis que merita supplicum
excedit et vota bene seruientib(us) multo maiora retribuat quam valeant promereri nichilomin(us) tamen desiderantes domino populum reddere acceptabilem et bonorum operu(m)
sectatorem fideles ipsos ad complacendum ei quasi quibusdam allectiuis munerib(us) indulgenciis videlicet et remissionib(us) inuitamus vt exinde reddantur diuine gratie aptiores
Cupientes igitur vt Ecclesia Monasterij Sancti Thome Ap(osto)li In Brunna Ordinis fratrum heremitarum Sancti Augustini Olom(ucensis) dioces(is) congruis honoribus frequentetur
et conseruetur ac etiam reparetur et vt Christifideles ipsi eo libentius causa deuotionis confluant ad eandem et ad reparationem et conseruationem ipsius manus promptius porri
gant adiutrices quo ex hoc ibidem dono celestis gratie vberius conspexerint se refectos de omnipotentis dei misericordia et Beatorum Petri et Pauli Apostolorum
eius auctoritate confisi omnib(us) vere penitentib(us) et confessis qui in dominica Quadragesime qua in ecclesia dei cantatur Judica a primis Vesperis vsq(ue) ad secundas
vesperas ipsius dominice et per Septem dies ipsam dominicam immediate sequentes Ecclesiam ipsam deuote visitauerint et ad ipsius conseruationem et reparationem manus promptius
porrexerint adiutrices Illam indulgenciam et remissionem peccatorum auctoritate ap(osto)lica tenore p(rese)ntium concedimus quam visitantib(us) Ecclesiam Sancti Marci de Venetiis
Castellan(e) dioces(is) in festo Ascensionis d(omi)ni in rescriptis annuatim quomodolibet consueuit Et nichilominus vt Christifideles ipsi ad ipsam Ecclesiam in ipsa dominica et septem
diebus predictis propterea confluentes indulgenciam huiusmodi vberius consequi possint Dilecto filio priori pro tempore existenti et octo aliis p(res)b(ite)ris siue pluribus
ydoneis tam secularib(us) quam religiosis per eundem priorem annuatim eligendis qui confessiones omnium et singulorum Christifidelium in ipsa d(omi)nica et Septem
diebus p(re)dictis causa huiusmodi indulgencie assequende confluentium in predicta d(omi)nica et Septem dieb(us) predictis eadem auctoritate audire et ipsorum confessionib(us) diligenter
auditis pro commissis debitam eis absolutionem impendere valeant et iniungere pro modo culpe p(enitenti)am salutarem nisi forsan talia fuerint propter que sedes ap(osto)lica
sit merito consulenda p(re)dicta auctoritate de vberioris dono gratie indulgemus p(rese)ntibus perpetuis temporib(us) duraturis Nulli ergo hominum liceat hanc pagina(m)
n(ost)re concessionis infringere vel ei ausu temerario contraire Si quis autem hoc attemptare presumpserit indignationem omnipotentis dei et Beatorum Petri et
Pauli Apostolorum eius se nouerit incursurum Datum Rome apud Sanctum petrum sextodecimo K(a)l(endas) Maij pontificatus nostri anno duodecimo Postqua(m)
tumquidem l(itte)rarum huiusmodi Apostolicarum oblatarum fuit nobis humiliter supplicatu(m) quat(enus) easdem l(itte)ras et contenta in eis ob salutem Christifidelium publicare insinuare et
ad singulorum noticiam huiusmodi deducere dignaremur Nos igitur petitioni huiusmodi iustam ac rationabilem censentes Volentesque ea que ad salutem animarum spectare dino
scuntur et ad deuotionis Christifidelium augmentu(m) vt tenemur promouere et prefati domini Joannis Ep(iscop)i Olomucen(sis) predecessoris nostri inherentes vestigiis ad noti
ciam Christifidelium deducere Vos omnes et singulos supradictos requirimus et hortamur presertim vobis d(omi)nis plebanis viceplebanis Ecclesiarum et Capellarum recto
ribus et signanter verbi dei p(re)dicatorib(us) per et infra memoratam Ciuitatem et dioces(im) nostram Olomucen(sem) vbilibet constitutis p(rese)ntibus requisiuis sub excomunicationis pena man
damus quat(enus) supradictas l(itte)ras ap(osto)licas et in eis contenta perspicue clara et intelligibili voce In Ecclesiis v(est)ris et predicationib(us) coram maiori populi multitudine sic et
taliter totiens publicetis insinuetis et notificetis vt ad certam ac indubitatam cunctorum possint peruenire noticiam In his vos taliter exhibentes et conseruantes
quat(enus) de obedientia vestra potius laudari q(ua)m de inobedientia accusari atq(ue) per nos argui possitis In quorum quibus Sigillum nostrum de certa nostra scientia p(rese)nti
bus est appensum testimonio l(itte)rarum Dat(um) Wischauie In nostra Arce Anno domini Millesimoquingentesimooctauo die vicesima Mensis Maij