Honesto viro Augustino smeltzbrun necnon conthorali ipsius legitime Dorothee vnacum filio eoru(m) Anthonio p(ro)teq(ue) amicis
ordinis seraphici patris nostri sancti francisci benefactoribus deuotissimis frater Joh(ann)es de Capistrano eiusdem ordinis minimus et
indignus heretice prauitatis generalis inquisitor Salutem et pacem in d(omi)no sempiternam Quamuis ex caritatis debito om(n)ibus tene
amur Illis tame(n) longe amplius obligam(ur) quor(um) dilectionem certis beneficior(um) indiciis frequencius experim(ur) Proinde vestre deuocio
nis sinceritatem attendens quam ad nostram et prefati patris nostri sancti francisci gerit(is) ordinem veluti clara experientia cog
noui Dignum putaui et diuine acceptabile voluntati ut ab ipso ordine prerogatiua(m) senciat(is) sp(irit)ualis gr(aci)e Atquia michi tempo
ralibus hanc caritat(em) vestre subsidijs dignam rependere vicem nequaqu(am) temporalit(er) valemus Sp(irit)ualibus nichilominus beneficijs
prout in nostris aput d(eu)m votis n(ost)r(u)m seruam(us) desideriu(m) compensare sp(ec)ialit(er) affectamus Eapropter ego qui sp(ec)ialem auct(orita)tem ha
beo recipiendi quoscumq(ue) deuotos nostri ordinis ad confraternitatem fratru(m) minor(um) de obseruantia nu(n)cupator(um) et sororu(m) inclusar(um)
ex sancte clare seu sancti Damiani de obseruantia nu(n)cupatar(um) et eorum religiosoru(m) de penitencia ordinu(m) in p(ar)tibus cismontanis
Vos honestas personas supratactas omnesq(ue) amicos et consanguineos vestros necnon animas vestror(um) defu(n)ctor(um) ac om(ne)s pro quib(us)
intendit(is) ad confraternitatem in(n)am et ad vniuersa et singula nostre religionis suffragia in vita recipio p(ar)it(er) et in morte plenam vo
bis participacion(em) omnium carismatu(m) et sp(irit)ualiu(m) bonor(um) Videlicet missar(um) or(aci)onu(m) suffragior(um) officioru(m) diuinor(um) ieiunior(um) abstinenciaru(m)
disciplinar(um) penitenciar(um) peregrinacionu(m) inspiracionu(m) p(re)dicacionum lectionu(m) meditacionu(m) contemplacionu(m) obseruanciar(um) deuocionu(m) et
om(n)i(um) aliorum sp(irit)ualiu(m) bonor(um) tenore p(rese)nciu(m) gr(aci)ose conferendo que per f(rat)res nostros et dictor(um) ordinu(m) sorores necnon alios de penitencia
siue de tercio ordine beati francisci in p(ar)tibus cismontanis degentes opari et acceptare dignabit(ur) clemencia saluatoris Addens insup(er)
de dono et gr(aci)a singulari q(uod) cum diuine placuerit voluntati de exilio instant(is) miserie vos vocare vestriq(ue) obitus multis annis et do
mino tempore differendus nostro fuerit capitulo nunciat(us) Idem volo ut p(ro) vob(is) fiat officiu(m) q(uod) pro f(rat)ribus nostris defu(n)ct(is) recitat(ur)
ibidem annuatim ex more per totum ordinem fieri consueuit Valeat feliciter vestra deuota et sincera caritas in xp(ist)o ih(es)u domino
nostro in eternu(m) Amen Datu(m) in ciuitate Olomucen(si) Decimaseptima die mensis Augusti Anno d(omi)ni M(illesim)o cccc liiij(to)