In nomine domini amen Quoniam acciones hominum quamvis sollempniter celebrate simul cum tempore procedente defluere consueverunt Ideo necesse est et congruum
ut ea que a memoria hominum decidere possunt scriptis et testimonijs que sunt indicium veritatis perhennentur Qua propter Nos Jaroslaus divina providencia
Abbas Hanusschius prior Johannes subprior Tociusque Conventus monasterij zabirdowicensis premonstratensis ordinis olomucensis dyocesis ad universorum noticiam tam
presencium quam futurorum harum serie volumus pervenire Quod cum inter nos ex una Et Religiosos ac deo devotos fratres Augustinum priorem Wenceslaum
subpriorem Philippum lectorem petrum sacristanum Totumque Conventum novi monasterij sancti Thome extra muros Civitatis Brunensis ordinis fratrum heremitarum
Sancti Augustini parte ex altera cuidam litis questionis et contencionis materia ac controversia mota et orta fuisset super quibusdam decimis quorundam duorum
Agrorum sive aracionum wlgo praitze nuncupatorum ad Curiam ipsorum fratrum novi monasterij in villa Chunigsfeld situatam pertinencium qui duo agri olim ad villam huswincz
pertinebant que villa ad ecclesiam nostram parochialem Sancte Chunigundis pertinet dinoscitur Quorum primus Ager Hack nuncupatus iacet in valle prühl fossatum
ibidem et Rivulum ponaw tangens a parte inferiori extendens se eciam Campo dictarum sanctimonialium novi cule sancte marie in antiqua Bruna cum
Campus patet ad magnam Curiam videlicet in senovem in dicta villa huswincz ex una parte et Agrum cuiusdam Civis Brunensis lüstengagl dicto parte ex altera Secundus vero
Ager Eyemer appellatus iacet penes viam publicam qua itur de dicta villa nostra zabirdowic in villam novam et eciam dictarum magnam
agrum dictarum sanctimonialium predicte ex una parte vero ex altera agrum michaelis Civis Brunensis in Turri dicti Tandem ut omnis contencionis materia frustraretur inter
nos et sopiretur composicione et ordinacione et arbitrio Honorabilium et discretorum virorum dominorum Johannis sancti Jacobi Nicolai divini salvatoris ecclesiarum plebanorum et Rectorum
ac Johannis dicti linz et wilhelmi sartoris civium Brunensium interveniente super annotatis decimis pro pacis perpetue tranquillitatem in talem amicabilis composicionis et concordie
devenimus vnionem videlicet quod dictus frater Augustinus prior et suus Conventus et ipsorum successores de predictis duobus agris nobis ac nostro monasterio zabirdowicensi Octo Capeta
annonarum quorumcumque seminum sive grano super ipsos Agros seminatarum pro tribus quolibet anno in quo tamen ijdem agri fuerint seminati Sexaginta manipulos pro
uno quolibet capete computando pro decima dare et porrigere debent et tenentur Si vero ipsi agri duplici semine seminantur extunc de quolibet agro eiusdem seminis seminati quatuor
capeta dare obligantur ut semper in nullo Octo Capeta sint et existant In casum vero si vnus illorum duorum agrorum maior vel minor fuit seminatus extunc eiusdem
seminis decime videlicet octo Capeta modo ut prefertur nobis et nostro monasterio predicto per dictos fratres novi monasterij sunt porrigenda Ita eciam condicione interposita quod iam dictus Augustinus
prior et suus Conventus annonas ipsorum de dictis duobus agris nequaquam movere neque deducere debent nisi prius nobis vel procuratori aut vice et nomine nostro eciam nuncio decima
ipsa fuit per ipsos assignata Et exposicionem ipsius decime ipsi fratres novi monasterij vel ipsorum successores qui pro tempore fuerint nobis ad dictam nostram monasterium per unum ipsorum nuncium debent
intimare In casum vero ubi nos vel nostri successores abbas decimam a dictis fratribus novi monasterij recipere negligeremus vel tardaremus propter quod ipsi fratres racione ipsorum dampnum racionis
posset imminere extunc ijdem prior et Conventus vel ipsorum locati procuratores annonas ipsorum libere quolibet absque impedimento de campo abducere possunt et importare Item
annotati et dictatores cause arbitraverunt quod omnes et singuli alij agri dictorum fratrum Augustini et eorum successorum ad Curiam ipsorum in Chunigsfeld predictam pertinentes ab omni
dacione decimarum prorsus liberi esse debent et sunt in evum exempti duobus agris superius expressis dumtaxat exceptis Vltimo vero sepedicti honorabiles ambarum parcium
arbitratores et amicabiles pro tracte cause compositores inter ambas partes de bona voluntate omnia et singula premissa ipsos in solidum pro extunc statuerunt
pronunciaverunt et arbitrati sunt firmiter et inviolabiliter observari sub pena Sexaginta marcarum grossorum denariorum pragensium monete in moravia currentis et pagamenti Que pena tociens
exigi possit in solidum quociens contra dictam arbitrium vel aliquod eius capitulum fuit factum sub ypotheca bonorum quorumlibet utriusque partis Item quod pars in obediens
et contra dictam ordinacionem faciens dare et solvere teneatur penam annotatam videlicet viginti marcas grossorum domino Episcopo olomucensi dyocesis nostro Alias viginti marcas arbitris
sive arbitratoribus annotatis Terciam vero et reliquam partem scilicet viginti marcas parti obedienti predictam ordinacionem observanti qualibet sine contradictione accione
Canonica vel Civili Et ut predicta ordinacio pronunciacio et arbitratio dictorum dominorum et arbitratorum pro utraque parte ambas firma habeatur et observetur ipsam nos abbas
et Conventus predicti ratam firmam et inviolabilem observare promittimus ac presentibus laudamus et confirmamus Sub hijs quas in robur Abbacie et Conventus predictorum
Sigillis sepedictis priori et Conventui novi monasterij dedimus robore literarum Datum in festo Ascensionis domini Anno eiusdem millesimo Trecentesimo Septuagesimo Nono