Wir procopius von gotes gnaden Marggraue zu Merhern Bekennen offenlich(e) vnd tun kunt
allermeniclich die diesen brieff sehen oder horen lesen das wir gnediclich bedacht haben die geist=
lich(e)n in got bruder den prival vnd den Conuent des Closters vnser newen stifftunge zu Brun=
ne wann wir besunder gnade dor zu hab(e)n vnd lieb das sie etlicher mass an holcz vnd futer
gebrech(e)n haben vnd das sie auch den dienst vnsers herren vnd das lob vnser vrawen gemach=
samlicher vnd fleissiclicher mugen vnd sullen volpringen habe(n) wir yn vnd dem Closter geben
eyn wisen genant die prawewiz gelegen vnd di da leit auff vns(er)m gute zu dem lauczans di
da berurt an eynem ende die goczwyz an dem andern ende Opatowiczer gemerke an dem drit
ten ende des Closters wizz heydwyn genant an dem vierden ende des Niclaus fleischhackes wizz
die schullen sie haben halten vnd besiczen ewiclich(e)n vnd erbeclich fridlich vnd an alle hinderniss
vnd do mit tun vnd lassen zu frum(m)en dem Closter als mit andern gutern des Closters vnd zu
eyner vrkunde vnd bestetigunge dirr sach habe(n) wir yn geb(e)n diesen brieff mit vns(er)m anhang(e)nd(e)n Ingesi
gel der geb(e)n ist zu vysencz noch Cristes geburt Dreiczehenhundert Iar vnd dornach in dem czwai vnd
achczigstem Iare an sand lorenczen tage