AD FVTVRAM REI MEMORIAM. Exponi Nobis nuper fecerunt dilecti filij Patritius Meixner Præpositus Infulatus ad Diuam Virginem Annunciatam Canonicorum Regularium Ordinis S(an)cti Augustini
Canoniæ Sternbergensis eiusque Collegij Capitulum quod dilectus pariter filius Ascanius Varesius Abbas Generalis Congr(egation)is Canonicorum Regularium Lateranensium dicti Ordinis eundem Patritium Præpositum, cæterosque Prælatos in perpetuum Successores ac
eiusdem Collegij Canonicos in communionem, et unitatem dictæ Congregationis Lateranen(sis) cum diuersis gratijs et indultis recepit et aduocauit, et uti tales expressè declarauit per quasdam Suas patentes literas desuper emanatas tenoris qui sequitur videlicet:
Nos D. Ascanius Varesius Patauinus Congregationis Canonicorum Regularium Lateranensium Abbas Generalis Ill(ustrissi)mo, ac R(everendissi)mo D. D. Patritio Meixner Canonicorum Regularium Ordinis Sancti Augustini Canoniæ Sternbergensis ad Diuam
Virginem Annunciatam Infulato Præposito, necnon eiusdem Collegij Illustri Religiosissimoque Capitulo, quod nunc est eritque Deo dante in posterum Salutem. Quamquam indifferenter bonum sit sui diffusivum, et sine acceptione perso=
narum bona, quæ diuinitus nobis collata sunt quibuscumque ex charitatis impulsu, et Religionis instituto impartiri debeamus, cum maximè eorumdem bonorum in conspectu Omnipotentis Dei iusti, rectique dispensatores probari toto
corde aueamus: nihilominus abundantius viscera charitatis nostræ in eos optamus effundere qui Congregationi nostræ amoris vinculo additi, eamdem Congregationem etiam peculiari studio prosequuntur, et fiunt dilectionis præroga=
tiua digniores. Idcirco cum vestrum in Congregationem nostram Lateranensem deuotionis affectum, et quod pluris est vniuscum viuendi inter nos, et uos institutum, et Apostolicam merendi rationem, atque profitendi summopere ap=
probemus. Vos Venerabiles Viros Ill(ustrissi)mum et R(everendissi)mum D. Patritium Meixner Canoniæ Sternbergensis ad Diuam Virginem Annunciatam Infulatum Præpositum, cæterosque Prælatos in perpetuum Successores, atque singulos, et omnes
prædicti Collegij Canonicos de præsenti viuentes, ac in temporum successione futuros in partem sortis nostræ et in Communionem Congregationis Lateranen(sis) vnientemque authoritate Summorum Pontificum, et insuper Capituli Nostri Ge=
neralis, qua fungimur, aduocamus, recipimus, et aduocatos, receptosque tales vigore præsentium expressè declaramus, et perhumaniter amplectimur. Vobis præterea pro vestro apud Deum ampliori profectu, et maiori meritorum pro=
uentu leges, Constitutionesque nostras amplissimè concedimus. Vigore autem huiusce vnionis, societatis, et omnimodæ vnitatis volumus vos omnes prænominatum Præpositum, et Canonicos præsentes, et futuros, ijsdem Indulgentijs,
Indultis, priuilegijs, concessionibus, Iuribus et exemptionibus tam in spiritualibus, quàm in temporalibus gaudere, uti, et potiri eâdem adamussim formâ, quâ Canonici Regulares Sancti Augustini Congregationis Lateranensis, qui intra
Italiam degunt, concedentibus Summis Pontificibus, alijsque plenè jure gaudent, utuntur, et potiuntur. Vt uerò vos Nobis et Nos vobis intimius adhærere, et uniri quilibet futuris temporibus dignoscat, et intelligat, hanc unicam condi=
tionem iniungimus, ut quotiescumque noua inter vos occurrat Præsulis electio Nos, et Successores nostros de electo ex Vobis et à vobis Præposito certiores per litteras faciatis, ita quidem, ut coalescat magis, ac magis mutua nostrum ne=
cessitudo, et discamus Canonicos nostros Præpositos nominatim vocare, spiritualia alere commercia, consilia consilijs permutare, et quandocumque aliquid humanitus contingat, certa precum nostrarum directione ipsis met Præpositis
parentare possimus. Præterea Vos, quantum in Domino possumus, hortamur ut singulo quoque triennio in solemni die Assumptionis Beatæ Mariæ Virginis unam Missam cantetis pro incremento, atque felicitate Congregationis nostræ
Lateranensis, de qua Vos sicut Nos membra estis, et eritis, quibus omnibus nil aliud addendum credimus, quam plenissimam Orationum, Missarum, diuinorum Officiorum, Ieiuniorum, Peregrinationum, cæterorumque spiritualium bono=
rum omnium, quæ per nostras vtriusque sexus Religiosas personas præsentes et futuras ubique terrarum dignabitur Summus, et Clementissimus Deus operari, extensionem, participationemque vobis impertiri, prout uberi animo, et
luculenter impertimur. Collegia itaque vestra de gremio Congregationis nostræ Lateranensis declaramus, declarata et adnotata esse volumus, seruatâ tamen, et in posterum seruandâ vestrarum Canoniarum laudabili consuetudine.
In quorum fidem Datum Patauij in Canonica nostra S. Ioannis in Viridario die xij. Maij M D CCXXVIij. D. Ascanius Varesius Abbas Generalis. D. Angelus Maria Barsotti Abb(as) Secretarius et Def(initor) loco + Sigilli. = Cum autem
sicut eadem expositio subiungebat, dicti Exponentes præmissa quo firmius subsistant Ap(ostoli)ca confirmationis nostræ patrocinio communiri summopere desiderent. Nos ipsos Exponentes specialibus fauoribus et gratijs prosequi volentes, et eorum
singulares personas à quibusuis excommunicationis, suspensionis, et interdicti, alijsque Ecclesiasticis sententijs, censuris, et pœnis à Iure, uel ab homine quauis occasione uel causâ latis, si quibus quomodol(ibe)t innodatæ existunt, ad effectum p(ræsen)tium dumta=
xat consequend(um) harum serie absoluentes et absolutas fore censentes, supplicationibus eorum nomine Nobis super hoc humiliter porrectis inclinati, receptionem in communionem, et unitatem dictæ Congr(egation)is Lateranen(sis) præfatorum Patritij Præposi=
ti, cæterorumque Prælatorum futurorum, ac Collegij Canonicorum à memorato Ascanio Abbate generali factam, ut præfertur, expeditasque desuper eiusdem patentes literas præinsertas, cum omnibus, et singulis in eis contentis, auct(oritat)e Ap(ostoli)ca tenore
p(ræsen)tium confirmamus, et approbamus, illisque inuiolabilis Ap(ostoli)cæ firmitatis robur adijcimus, ac omnes, et singulos Iuris, et facti defectus, siqui desuper quomodolibet interuenerint, supplemus. Decernentes easdem p(ræsen)tes literas semper firmas,
validas, et efficaces existere, et fore, suosque plenarios, et integros effectus sortiri, et obtinere, ac illis ad quos spectat, et pro tempore quandocumque spectabit in omnibus, et per omnia plenissimè suffragari. Sicque in præmissis per quoscumque Iudices
Ordinarios, et Delegatos, etiam Causarum Palatij Ap(ostoli)ci Auditores iudicari, et definiri debere, ac irritum, et inane, si secus super his à quoquam quauis auct(oritat)e scienter uel ignoranter contigerit attentari. Non obstan(tibus) Constitutionibus, et Ordinationi=
bus Ap(ostoli)cis, ac quatenus opus sit, dictæ Congr(egation)is Lateranen(sis) etiam iuramento, confirmatione Ap(ostoli)ca, uel quauis firmitate alia roboratis statutis, et consuetudinibus, priuilegijs quoque, indultis, et literis Ap(ostoli)cis in contrarium præmissorum quo=
modol(ibe)t concessis, confirmatis, et innouatis. Quibus omnibus, et singulis illorum tenores p(ræsen)tibus pro plenè, et sufficienter expressis, ac de verbo ad verbum insertis habentes, illis alias in suo robore permansuris, ad præmissorum effectum hac vice dum=
taxat specialiter, et expressè derogamus, cæterisque contrarijs quibuscumque. Datum Romæ apud S(an)ctum Petrum sub Annulo Piscatoris die xxvij. Iulij M D CCXXVIij. Pontus N(ost)ri Anno Quinto.