Stanislaus dei et Ap(osto)lice sedis gratia Ep(iscop)us Olomucen(sis) Vniuersis et singulis p(rese)ntes l(itte)ras inspecturis quosc(um)q(ue) infra scriptum tangit negocium seu tangere
potest quomodolibet in futurum Salutem in d(omi)no sempiternam Nuper vacante prepositura Monasterij Beate Marie Virginis ordinis Canonicor(um) Regularium
sancti Augustini In Oppido Sternberg nostre Olomucen(sis) dioce(sis) per obitum quondam patris Benedicti de Luthomia eiusdem Monasterij dum viueret prepositi
Honorabiles et Religiosi fratres totusq(ue) Conuentus prefati Monasterij volentes sibi seu eidem Monasterio de alio preposito ac prelato prouidere ne forte diu
turna illius vacacione ip(su)m Monasterium aliquas iacturas et dispendia q(uo)d absit pateretur seu sustineret inremedio Iuxta eorundem fratrum et Monasterij
priuilegia necnon antiquas consuetudines et approbatas ad electionem futuri prepositi rite procedentes In Honorabilem fratrem Nicolaum predicti Monasterij
hostem professum nobis in Christo dilectum vota sua direxerunt et ip(su)m tanq(uam) idoneum abilem et vtilem futurum In suum et eiusdem Monasterij prepositum et
prelatum vnanimi omnium consensu et assensu vt de se edocti sumus legittime elegerunt demum quoq(ue) eundem fratrem Nicolaum sic vt premittitur electum
nobis vti loci ordinario Ad instituendum inuestiendum et confirmandum ad eandem preposituram p(rese)ntarunt Nos igitur Stanislaus Ep(iscop)us prefatus predictorum
fratrum humilibus precibus nobis factis tanq(uam) iustis et racionabilibus merito annuentes h(uius)mo(d)i electionem approbauimus et approbamus Necnon preposituram Stern
bergen(sem) vacantem cum omnibus suis Iuribus et pertinencijs ac honoribus et oneribus prememorato fratri Nicolao electo ibidem coram nobis p(rese)nti et flexis genibus id
humiliter petenti Auctoritate n(ost)ra ordinaria contulimus et assignauimus ac conferimus et assignamus per p(rese)ntes In animam suam tam in sp(irit)ualibus q(uam) eciam
temporalibus eiusdem salubriter regendam et gubernandam Prouidimus quoq(ue) et prouidemus eciam de eadem ip(su)mq(ue) In personalem realem et actualem possessionem
prepositure Iuriumq(ue) et pertinenciarum predictorum posuimus et induximus ponimusq(ue) et inducimus Inuestientes inuestiuimus ip(su)m fratrem Nicolaum prepositu(m)
per anuli n(ost)ri pastoralis ac bireti capiti suo impositionem de prepositura antedicta atq(ue) ad eandem confirmantes auctoritate n(ost)ra supradicta Recepto tamen prius
ab eodem ad s(anc)ta dei Euangelia in manibus n(ost)ris corporali iuramento infrascripto Mandamus p(re)terea districte precipien(do) In virtute sancte obediencie omnibus
et singulis supradicti Monasterij fratribus q(ua)t(enus) ip(s)i et quilibet ipsorum antedictum fratrem Nicolaum In suum et dicti Monasterij prepositum ac prelatum
suscipiant Eiq(ue) debitam obedienciam reuerenciam et honorem vt decet prestent et exhibeant alia quoq(ue) secundum constituciones et Regulam ordinis sui pre
dicti faciant et facere studeant forma autem Iuramenti de quo superius fit mencio est talis Ego Nicolaus prepositus electus Monasterij Sternbergen(sis) ordinis
canonicorum regularium sancti Augustini Iuro vobis Reuerendissimo d(omi)no Ep(iscop)o Olomucen(si) prelato meo et successoribus vestris legittimis obedienciam
et reuerenciam Item Iuro statuta et regulam sancti Augustini canonicorum regularium diligenter obseruare Item Iuro bona et iura dicte domus siue Monasterij
nostri fideliter conseruare et non dissipare sed pocius pro posse et viribus meis perdita et neglecta recuperare et restaurare Item Iuro q(uo)d possessiones
ad preposituram meam pertinentes non vendam neq(ue) donabo seu comutabo eciam voluntate seu consensu Conuentus dicti Monasterij mei Inconsulto Ro
mano pontifice Sic me deus adiuuet et hec sancta dei euangelia In quorum omnium premissorum fidem et firmitatem futuram p(rese)ntes l(itte)ras n(ost)ras fieri
ac Sigilli n(ost)ri maioris iussimus appensione communiri Date et Acte Crumsier in Arce Nostre p(re)late residencie Anno a Natiuitate d(omi)ni Millesimo
quingentesimo trigesimo quarto die Octaua Mensis Iunij