NOS D. ASCANIUS VARESIUS PATAVINUS
CONGREGATIONIS CANONICORUM REGULARIUM LATERANENSIUM
ABBAS GENERALIS
Illm(o), ac Rm(o) DD. PATRITIO MEIXNER. Canonicorum Regularium Ordinis S. Augustini Cano-
niæ Sternbergensis ad Divam Virginem Annunciatam Infulato Præposito, nec non eiusdem Collegij Illustri Re-
ligiosissimoque Capitulo quod nunc est, eritque DEO dante in posterum, salutem.
Quanquam indifferenter bonum sit sui diffusivum, & sine acceptione Personarum, bona, quæ divinitus Nobis collata sunt, quibuscumque ex Charitatis impulsu & Reli-
gionis instituto, impartiri debeamus; cum maximè eorundem bonorum in conspectu Omnipotentis Dei, justi rectique dispensatores probari toto corde aveamus: Nihilomi-
nus abundantius viscera charitatis Nostræ in eos optamus effundere, qui Congregationi Nostræ amoris vinculo addicti, eandem Congregationem etiam peculiari studio pro-
sequuntur, & fiunt dilectionis prærogativa digniores. Idcirco cum Vestrum in Congregationem Nostram Lateranensem devotionis affectum, & quod pluris est, univocum vi-
vendi inter Nos & Vos institutum & Apostolicam merendi rationem, atque profitendi summoperè probemus. Vos Venerabiles Viros Illm(um) & Rm(um) D. Patritium Meixner canoniæ
Sternbergensis ad Divam Virginem Annunciatam Infulatum Præpositum, cæterosque Prælatos in perpetuum successuros, atque singulos, & omnes prædicti Collegij Canonicos, de præsenti vi-
ventes, ac in temporum successione futuros in partem sortis Nostræ, & in Communionem Congregationis Lateranensis, Unitatemque, authoritate Summorum Pontificum, & insuper Capituli
Nostri Gn(a)lis, qua fungimur advocamus, recipimus, & advocatos, receptosque tales vigore præsentium expressè declaramus, & perhumaniter amplectimur. Vobis præterea, pro Vestrum apud Deum
ampliori profectu, & majori meritorum proventu Leges, Constitutionesque Nostras amplissimè concedimus. Vigore autem hujusce Unionis, Societatis, & omnimodæ unitatis volumus Vos omnes
prænominatum Præpositum & Canonicos præsentes & futuros, iisdem Indulgentijs, Indultis, Privilegijs, Concessionibus, Juribus, & Exemptionibus, tam in Spiritualibus quam in Temporalibus
gaudere, uti, & potiri eâdem adamussim formâ, qua Canonici Regulares S. Augustini Congregationis Lateranensis, qui intra Italiam degunt, concedentibus Summis Pontificibus, alijsque, pleno ju-
re gaudent, utuntur, & potiuntur. Ut verò Vos Nobis & Nos Vobis intimius adhærere & uniri quilibet futuris temporibus dignoscat & intelligat, hanc unicam conditionem injungimus, ut quotiescu(m)-
que nova inter Vos occurrat Præsulis electio, Nos & Successores Nostros de electo ex Vobis & a Vobis Præposito, certiores per litteras faciatis; ita quidem ut coalescat magis ac magis mutua
Nostrum necessitudo, & discamus Concanonicos Nostros Præpositos nominatim vocare, spiritualia alere commercia, consilia consilijs permutare, & quandocumque aliquid humanitus contingat,
certa precum Nostrarum directione ipsismet Præpositis parentare possimus. Præterea Vos quantum in D(omi)no possumus, hortamur, ut singulo quoque Triennio in Solemni die Assumptionis B.
V. Mariæ unam Missam cantetis pro incremento atque felicitate Congregationis Nostræ Lateranensis, de qua Vos sicut Nos membra estis, & eritis. Quibus omnibus nil aliud adden-
dum credimus, quàm plenissimam Orationum, Missarum, Divinorum Officiorum, Jejuniorum, Peregrinationum, cæterorumque spiritualium bonorum omnium, quæ per Nostras utriusque
Sexûs Religiosas Personas præsentes & futuras ubique terrarum dignabitur Summus & Clementissimus Deus operari, extensionem, participationemque Vobis impertiri, prout uberi
animo & luculenter impertimur. Collegia itaque Vestra de gremio Congregationis Nostræ Lateranensis declaramus, declarata & adnotata esse volumus, servata tamen, & in posterum
servandâ Vestrarum Canoniarum laudabili consuetudine. In quorum fidem &c. Datum Patavij in Canonica Nostra S. Ioannis in Viridario die 12. Maij MDCCXXVIII.
D. Ascanius Varesius Abbas Gen(era)lis.
A. Angelus M.a Barsoni Abb: Secret(ari)us Gen(era)lis