Wir Richter vnd Geschworne der gassen Dorndrissell
Zu nechst der Stadt Brünn gelegen Bekhennen vnd thuen khundt mit diesem Brieff vor Männglich das für vnserm Gerichts ambt er
schienen ist der Erbare Hannß Häring Als zaiger mit seinem Leiblichen Vatter Georg Häring der dieser Zeit noch im leben vnd andern seinen beystendenn
vnd hat vns anzaigt Wie er ainer Ehelicher geburt vnd ehrlichen herkhomens sey, Vnd das Ime solches zu seiner notturfft, vmb mit demütiger bitt Ime dasselbige nach der her
khomen gewonhait zeugnus der warhait zu ertailen, Welches wir billich eracht, Ime zu befürderung der Warhait, Vnd Ime nicht haben khönnen abschlagen, Sollen dar
auff vor vns zu zeugen für khomen die Erbarn Nambhafften Valentin Kuba Hannß Reschaw vnd Mathes Pustka drey vnsere Mitbürgere auß dem Dorndrissell Erbare glaub
wirdige vntadelhafftige Männer der warhait, Die haben bey den eydtlichen vnd theüren Eaydt so sie vns gethan vnd dem zaiger Ime ein solches anzaigt vnd bekhant, Ime in warhait khundt vnd
wissen das Hannß Häring ein Ehelicher Son Georg Häring seinem Vatter, der dieser Zeit noch im leben, vnd Vrsula seiner Mutter, guetten frommen vnd auffrichtigen Eheleuthen
Welche gedachte Eheleuth von anfang nach anfenglich in der Schlesien sich mit einander in den heyligen Ehestandt begeben vnd nachmals hie her gehn Brünn gezogen, auff dem Dorndrissell
Ihre heüßliche wonung gehabt vnd noch wonen, Mit einander rechten Ehelichen beywonen, Vnd in solchem Ehestandt den obgedachten Hannß Häring den zaiger Ehelich vnd ehelich geboren, das sie Ime
so lang auch die Zeit hero in allher guetten vnd ehrlichen wandel gelebt, Vnd sich also verhalten, das man Ime nicht anders dann ehr vnd auffrichtigkheit nachsagen khann, Als das sie die gezeügen
so Ime solches war noch Männglich von Ime nichts anders dann ehr vnd redligkheit wissen, Vnd bitten darauff an alle vnd Jede des Standts Würden Ambts oder Wesens
sie sein, vmb Ime vnsern Brieff, da er Ime khomen, da er Ime nützlich vnd vmb liebes bitten willen, dem obgenantten Hannß Häring den zaiger, seiner Ehelicher geburt vnd ehrlichen
verhaltens alle günstige befürderung, Rath vnd hilff erzaigen vnd beweisen, Vnd Ime vmb vnsern willen nach erhaischung seines Standts in solchen seinen ehr
lichen anligen gelegenheit nach guetwilligkheit gantz freundtlich zu beweisen, das wir vmb Ime, Vnd Ime zu vhrkhundt vnd bessern glaubens wegen, Haben Wir
Obgemelte Richter vnd Geschwornen den Ime der Gmain Insigell wissentlich an diesen Brieff anhangen, das der Ime zu thuen, Geschehen vnd geben auff
dem Dorndrissell am Sontag Invocavit im Christo dem lieben herrn vnd seligmacher geburt, im Tausendt Sechshundert vnd in dem Neündten Jare