Nos Antonius Pirmus Sac(ri) Ordinis Benedictinorum Antiquissimi Liberi & exempti Monasterij
Rayhradensis Præpostus Infulatus & Marchionatûs Moraviæ Prælatus. P(ater) Antonius Stengl p(ro) t(empore) Prior,
P(ater) Thaddæus Khinl p(ro) t(empore) Supprior, P(ater) Romualdus Höcker Senior, Totúmque Capitulum Rayhradense.
Reverendissimo ac Perillustri Domino Christophoro Antonio Equiti de Bertram Regiæ Collegiatæ Ecclesiæ Bru-
næ in monte Sancti Petri Apostoli Canonico Regio,
Salutem & veram Sanctorum Communionem.
PRæclara in nostrum Monasterium merita & singularis in nos charitas, benevolentia & fiducia pia considerati-
one ponderata vicissim nos admonent, ut æqua gratitudinis lege respondentes affectum ad nos habitum de-
vote recompensare affectu studeamus. Itáque cum de pio affectu & fiducia erga nostrum Monasterium Reveren-
dissimæ ac Perillustris Dominationis Suæ nullatenus ambigamus, præhabita inter nos matura deliberatione, & se-
cuto dein universali omnium nostrum consensu pia inclinatione moti & de Dei misericordia & inexhausta Ejusdem
liberalitate confisi; item Beatissimæ Virginis Mariæ Matris Domini Nostri Jesu Christi, Sanctissimi Patris nostri Bene-
dicti, SS(anctorum) Scholasticæ, Mauri & Placidi Omniúmque Sanctorum Apostolorum, Martyrum, Confessorum, Monachorum
& Virginum ad cælos tot sæculis assumptorum meritis innitentes & sancta intercessione suffulti Reverendissimam
ac Perillustrem Dominationem suam omnium & singulorum bonorum operum nostrorum in genere & specie, quæcum-
que imposterum divina cooperante Gratia ab omnibus & singulis Monasterij nostri membris præstita fuerint: sig-
nanter Sacrificiorum, divinorum Officiorum, Meditationum, Jejuniorum, Exercitiorúmque spiritualium & qua-
rumvis aliarum virtutum & respondentium illis gratiarum & præmiorum cælestium amanter in Domino parti-
cipem reddimus, ad effectum in vita & morte de eorumdem commercio & participatione tanquam si reale mem-
brum Monasterij nostri esset, spirituale solatium animæ obtinendi & æquali communicationis jure gaudendi.
In quorum pleniorem fidem præsentes majori Præpositurali & capitulari sigillo ac manuum subscriptione
in hac authentica forma communivimus. Actum in supradicto Monasterio Die XXI Martij Anno MDCCXXXIII.