Ich Hertneyd von liechtenstain von Nicolspurg Bekenn vnd tun kund offenlich
mit dem brief das mir die erbern weisen ~h(err)~ der Burgermaister vnd der Rat der Stat
ze Znoym ausgericht vnd bezalt habent Neunvndsybenczig markch vnd vierunddreis=
sig grosschen die sy zu sand Jorgen tag nachstuergangen In die kamer des Aller=
durchleuchtigisten fursten vnd herren hern Sigmunde Romisch(e)n hungerisch(e)n vnd
Behemisch(e)n etc(etera) kunigs geraichet solden haben Vnd wan mir derselb egenant mein
gnadiger herr der kunig solh sein kamergelt geschaft vnd Inzenemen empholhen
hat So sag ich dieselben vorbenant(e)n ~h(err)~ Burgermaister vnd Rat der Stat ze
Znoym vmb die obgeschriben Neunvndsybenczig markch vnd vierunddreissig
grossch(e)n genczlich vnd aller ding ledig quitt vnd los Mit vrkund dicz briefs
versigilt mit meinem aufgedruckhtem Insigil Geben ze Znoym an Smtag nach
sand Petronelln tag Anno d(omi)ni M(illesim)o cccc(esim)o vicesimoprimo