Albrecht von gotes gnaden Herczog ze
Osterreich vnd marggraf ze merhern (et)c(etera)

Erbn weisen vnd liebn getrewn Als ir vns yez verschribn habt von der warnung wegn die ew
vns lieber getrewer Jan von Jeuspicz genant der Dukteufl von der hussen wegen getan hat das
haben wir wol vnomen vnd lassen ew wissen das wir yez ettwas vnsers volks dem land ze hilff
hin jn gen czechn senden vnd vns auch selbs mit vnser ganzen macht darczu schikhen ob die
egen(anten) vnglaubign mit macht in das egen(ante) vns(er) land ziehen vnd das beschedign wolten damit das
vnderkomen werde. Dauon begern wir an ew mit ernst das ir die weil ewrn fleiss tut mit hut
vnd in anderwege damit die Stat desterpas behutt vnd bewaret werde. Vnd was ir hinfur solh(er)
mer von den vnglaubign eruaret das ir vns das stetleich wissen lasset. Denn als ir vns von des
egen(anten) von Jeuspicz wegen v(er)schriben habt ew ze vnderweisen ob Jm des not geschech nach dem vnd
er an ew begert hat ob ir den in vns(er) Stat lassen sullet Geuelt vns wol nach dem vnd ir jn denn
derkennet das ir selber darinn tut was ew am pestn dunket vns der Stat vnd ew das nuczest sein.
Geben ze Wienn an montag Sant Dionisien tag Anno (et)c(etera) Vicesimo quarto